କେନ୍ଦୁଝରଗଡ଼଼: ରାଜ୍ୟର ବେଶ୍ ଜଣାଶୁଣା ମଣ୍ଡଳ ଚିତ୍ରଶିଳ୍ପୀ କେନ୍ଦୁଝର ସହର ବଣିଆପାଟର ଶ୍ୱେତପଦ୍ମା ମିଶ୍ର ଓଡ଼ିଶାର ଗଣପର୍ବ ରଜ ଅବସରରେ ପାରମ୍ପରିକ ମଣ୍ଡଳ ଚିତ୍ରକଳାରେ ଓଡିଆ ବନବାସୀ ବେଶରେ ମା’ ଧରିତ୍ରୀଙ୍କ ଫଟୋଚିତ୍ର ଆଙ୍କିଛନ୍ତି। ପେପର, ଆର୍ଟ ପେନ, ଆକ୍ରିଲିକ୍ ରଙ୍ଗ ସାହାର୍ଯ୍ୟରେ ମା’ ବସୁନ୍ଧରା ଅଭୟ ମୁଦ୍ରାରେ ପାରମ୍ପରିକ ବନବାସୀ ବେଶରେ ବିରାଜମାନ ଏହି ଚିତ୍ରକଳାଟି ଆଙ୍କିବାକୁ ଶ୍ୱେତପଦ୍ମାଙ୍କୁ ୧୫ଘଣ୍ଟା ସମୟ ଲାଗିଥିବା ସେ କହିଛନ୍ତି। ଏହା ପୂର୍ବରୁ ଶ୍ୱେତପଦ୍ମା କେନ୍ଦୁଝରର ସର୍ବୋଚ୍ଚ ରଥ ‘ନନ୍ଦିଘୋଷ’, ଚନ୍ଦ୍ରାୟନ-୩, ତତ୍କାଳୀନ ରାଜ୍ୟପାଳ ଗଣେଶୀ ଲାଲଙ୍କ ପଟଚ୍ଚିତ୍ର ସହିତ ଓଡ଼ିଶାର ବିଭିନ୍ନ ପର୍ବପର୍ବାଣୀ ଓ ସଂସ୍କୃତିକୁ ଦର୍ଶାଉଥିବା ବିଭିନ୍ନ ମଣ୍ଡଳ ଚିତ୍ର ଆଙ୍କି ସେ ସର୍ବଦା ଚର୍ଚ୍ଚାରେ ରହି ଆସିଛନ୍ତି। ଏଥିପାଇଁ ଶ୍ୱେତପଦ୍ମା ତତ୍କାଳୀନ ରାଜ୍ୟପାଳ ଗଣେଶୀ ଲାଲଙ୍କ ଠାରୁ ରାଜଭବନରେ ସମ୍ବର୍ଦ୍ଧିତ ହୋଇଥିବା ବେଳେ ସାଂସ୍କୃତିକି କଳ୍ପତରୁ ଫାଉଣ୍ଡେସନ, ସ୍ପିରିଜା ଏକାଡେମୀ, ହିନ୍ଦୁ ଜାଗୃତି ମଞ୍ଚ ଓ କେନ୍ଦୁଝର ଜିଲା ବ୍ରାହ୍ମଣ ମହାସଭା ପକ୍ଷରୁ ସମ୍ବର୍ଦ୍ଧିତ ହୋଇ ଜିଲାର ଗୌରବ ବୃଦ୍ଧି କରିଆସିଛନ୍ତି।
Popular Categories
Previous article
Next article