ସମ୍ବଲପୁର: ସମ୍ବଲପୁରର ଶକ୍ତି ସଂଘ ଛକ (ପିରବାବା ଛକ) ଠାରେ ବିଗତ ସୋମବାର ଘଟିଥିବା ବୋମା ବିସ୍ପୋରଣ ଘଟଣାରେ ଜିଲା ପୁଲିସ ପକ୍ଷରୁ ଅପରାଧିଙ୍କୁ ଧରି ଅଦାଲତକୁ ମାତ୍ର ୨୪ ଘଣ୍ଟା ମଧ୍ୟରେ ଚାଲାଣ କରିବାରେ ସମର୍ଥ ହୋଇଥିଲା। ଏଣୁ ଜିଲା ପୁଲିସର ତ୍ୱରିତ କାର୍ଯ୍ୟାନୁଷ୍ଠାନକୁ ପ୍ରଶଂସା କରିବା ସହିତ ସମ୍ବଲପୁର ପୁଲିସକୁ ଉତ୍ସାହିତ କରିବା ପାଇଁ ଶନିବାର ଜିଲା ପୁଲିସ ଆରକ୍ଷୀ ଅଧିକ୍ଷକ ମୁକେଶ ଭାମୁଙ୍କୁ ସମ୍ବଲପୁର ଚାମ୍ବର ଅଫ କମର୍ସର ପ୍ରତିନିଧି ମଣ୍ଡଳ ସାକ୍ଷାତ କରିଛନ୍ତି। ସମ୍ବଲପୁର ପୌର ପରିଷଦର ପୂର୍ବତନ ଉପ ନଗରପାଳ ସିଦ୍ଧାର୍ଥ ସାହାଙ୍କ ସହିତ ଚାମ୍ବର ଅଫ କମର୍ସର ସଭାପତି ଅରୁଣ ପଟୱାରୀ, ଶଙ୍କର ଅଗ୍ରୱାଲ, ଯଶବୀର ସିଂହ ହୁରା, ଅଶୋକ ଜଲାନ ଓ ଶିବ ପ୍ରଧାନ ପ୍ରମୁଖ ଏସପି ଶ୍ରୀ ଭାମୁଙ୍କୁ ସାକ୍ଷାତ କରି ଧନ୍ୟବାଦ ଜଣାଇବା ସହିତ ସମ୍ବଲପୁରରେ ଅପ୍ରିତିକର ପରିସ୍ଥିତି ସୃଷ୍ଟି କରିବା ପାଇଁ ଯେଉଁ ମାନେ ଉଦ୍ୟମ କରୁଛନ୍ତି, ସେମାନଙ୍କ ଉପରେ ପୁଲିସ କଡା ନଜର ରଖିବା ସହିତ ଆଇନ ଅନୁଯାୟୀ କଡା କାର୍ଯ୍ୟାନୁଷ୍ଠାନ ଗ୍ରହଣ କରୁ ବୋଲି ପୁଲିସ ପ୍ରଶାସନକୁ ଅନୁରୋଧ କରିଥିଲେ।
Comments are closed.