ଫୁଲବାଣୀ: ରାଷ୍ଟ୍ରୀୟ କଳାମଞ୍ଚ ଦ୍ଵାରା ଆୟୋଜିତ ହେଉଥିବା ପ୍ରତିଭା ସଂଗମ କାର୍ଯ୍ୟକ୍ରମ ପାଇଁ ଆଜି କନ୍ଧମାଳ ଜିଲ୍ଲାରେ ପୋଷ୍ଟର ଉନ୍ମୋଚନ ହୋଇଯାଇଛି ଏବଂ ଆଗାମୀ ମାର୍ଚ୍ଚ ମାସ ୧୦ ତାରିଖ ଦିନ କନ୍ଧମାଳ ଜିଲ୍ଲାର ଫୁଲବାଣୀ ସରସ୍ଵତୀ ଶିଶୁ ବିଦ୍ୟା ମନ୍ଦିର ଠାରେ ଜିଲ୍ଲା ସ୍ତରୀୟ ପ୍ରତିଭା ସଂଗମ କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ରାଷ୍ଟ୍ରୀୟ କଳାମଞ୍ଚ ସଂଯୋଗ ତ୍ରିଲୋଚନ ଗଣ୍ଡା କହିଛନ୍ତି। ଏହି ପ୍ରତିଯୋଗିତାରେ ଏକକ ନୃତ୍ୟ, ଦଳ ଗତ ନୁର୍ତ୍ୟ, ଏକକ ସଙ୍ଗୀତ, ଚିତ୍ରାଙ୍କନ, ଏକକ ଅଭିନୟ, ନାଟକ (ଏକାଙ୍କିକା), ରଙ୍ଗୋଲି, ସ୍ଵରଚିତ କବିତା ଆବୃତ୍ତି, ପାରମ୍ପରିକ ବେଶ ଭୂଷା ପରି ପ୍ରତିଯୋଗିତା ହେବା ପାଇଁ ଯାଉଛି। ଏହି ପ୍ରତିଯୋଗୀତାରେ ଭାଗ ନେବା ପାଇଁ ପ୍ରତ୍ୟେକ ବିଦ୍ୟାର୍ଥୀ +୨ କିମ୍ବା ଉର୍ଦ୍ଧ୍ବ ପଢୁଥିବା ଆବଶ୍ୟକ ଏବଂ ଜଣେ ପ୍ରତିଯୋଗୀ କେବଳ ୨ଟି ପ୍ରତିଯୋଗିତାରେ ଭାଗ ନେଇ ପାରିବେ ବୋଲି ନିୟମ ରହିଛି। ଏହି ପ୍ରତିଯୋଗିତାରେ କେବଳ କନ୍ଧମାଳ ଜିଲ୍ଲାର ଛାତ୍ରଛାତ୍ରୀ ମାନେ ହିଁ ଭାଗ ନେଇ ପାରିବେ ଏବଂ ଯେଉଁ ପ୍ରତିଯୋଗୀ ମାନେ ପ୍ରଥମ ଓ ଦ୍ବିତୀୟ ସ୍ଥାନ ଅଧିକାର କରିବେ ସେହି ସବୁ ପ୍ରତିଯୋଗୀ ମାନେ ରାଜ୍ୟ ସ୍ତରୀୟ ପ୍ରତିଯୋଗିତାରେ ଭାଗ ନେଇ ପାରିବେ ଏବଂ କନ୍ଧମାଳ ଜିଲ୍ଲାର ନାମକୁ ରାଜ୍ୟସ୍ତରୀୟ ପ୍ରତିଯୋଗିତାରେ ଉପରକୁ ନେଇ ପାରିବେ ବୋଲି ଶ୍ରୀ ଗଣ୍ଡା କହିଛନ୍ତି।
Popular Categories
Previous article
Next article