ପାଟଣା: ଘଟଗାଁ ବ୍ଲକ ଅନ୍ତର୍ଗତ ଢେଙ୍କିକୋଟ ମସଜିଦକୁ ୫-ଟିରେ ରୂପାନ୍ତରିତ କରାଯାଇଥିବା ବେଳେ ଆଜି ଏହି ମସଜିଦ ଓ ମଦ୍ରାସାର ଉଦଘାଟନ ପର୍ବ ଅନୁଷ୍ଠିତ ହୋଇଛି। ଆଜି ସନ୍ଧ୍ୟାରେ ଅନୁଷ୍ଠିତ ଉଦଘାଟନୀ ପର୍ବରେ ମୁଖ୍ୟ ଅତିଥି ଭାବେ ପୂର୍ବତନ ମନ୍ତ୍ରୀ ତଥା ଘଷିପୁରା ବିଧାୟକ ବଦ୍ରି ନାରାୟଣ ପାତ୍ର ଯୋଗ ଦେଇ ଏହାକୁ ଉଦଘାଟନ କରିଛନ୍ତି। ସମ୍ମାନୀତ ଅତିଥି ଭାବେ ଢେଙ୍କିକୋଟ ସରପଞ୍ଚ ଖଇର ନାଏକ, ବ୍ଲକ ବିଜେଡ଼ି ସଭାପତି ଦୋଳଗୋବିନ୍ଦ ବେହେରା, ବଣିକ ସଂଘ ସଭାପତି ରାଜକିଶୋର ସାହୁ ଓ ମହେଶ୍ୱର ସାହୁ ଏବଂ ଯୁବ ବିଜୁ ଜନତା ଦଳ ଜିଲ୍ଲା ଉପସଭାପତି ଏସ କେ ଇମରାନ ପ୍ରମୁଖ ଯୋଗ ଦେଇଥିଲେ। ଏହି ଅବସରରେ ଅନୁଷ୍ଠିତ ଜଲସା କାର୍ଯ୍ୟକ୍ରମରେ ବାଙ୍ଗାଲୋରରୁ ଆସିଥିବା ମୌଲାନା ୟାକୁବ ଜମାଇ ଓ କୋଲକାତାରୁ ଆସିଥିବା ମୌଲାନା ଜମିଲ ଅଖତାର ପ୍ରବଚନ ପ୍ରଦାନ କରିଥିଲେ।
Comments are closed.