ଗୋପାଳପୁର: ବ୍ରହ୍ମପୁର ବିଶ୍ଵବିଦ୍ୟାଳୟ କ୍ରୀଡା ପରିଷଦ ପକ୍ଷରୁ ଓଆଇୟୁସି ପ୍ରତିଯୋଗିତା ପାଇଁ ଚଳିତ ମାସ ୬ ଠାରୁ ୧୩ ତାରିଖ ପର୍ଯ୍ୟନ୍ତ କଟକ ସ୍ଥିତ ରେଭେନ୍ସା ବିଶ୍ଵବିଦ୍ୟାଳୟ ଠାରେ ଚାଲିଥିବା ଦ୍ୱିତୀୟ ଓଡ଼ିଶା ଅନ୍ତଃ ବିଶ୍ଵବିଦ୍ୟାଳୟ ପ୍ରତିଯୋଗିତାରେ ଭାଗ ନେବା ବ୍ରହ୍ମପୁର ବିଶ୍ଵବିଦ୍ୟାଳୟ ପକ୍ଷରୁ ୧୪ଟି ଖେଳ କୁଦ ପ୍ରତିଯୋଗିତା ପାଇଁ ୧୨୦ କ୍ରୀଡ଼ାବିତ ଗସ୍ତ କରିଥିଲେ। ବ୍ୟାଡ଼ମିଟନ ଡବଲ ପୁରୁଷ ବର୍ଗରେ ତୃତୀୟ ସ୍ଥାନ ଅଧିକାର କରିଥିବା ବେଳେ ମହିଳା ଚେସରେ ତୃତୀୟ ସ୍ଥାନ ଅଧିକାର କରିଛନ୍ତି। ସେହିପରି ମହିଳା କବାଡି ଦଳ ଫାଇନାଲରେ ପ୍ରବେଶ କରିଛି। କବାଡିର ପ୍ରଥମ ମ୍ୟାଚରେ ବଲାଙ୍ଗୀରିର ରାଜେନ୍ଦ୍ର ବିଶ୍ଵବିଦ୍ୟାଳୟକୁ ୩୬/୪ ପଏଣ୍ଟ କରି ବିଜୟ ହୋଇଥିବା ବେଳେ ଦ୍ୱିତୀୟ ମ୍ୟାଚରେ ଫକିର ମୋହନ ବିଶ୍ଵବିଦ୍ୟାଳୟ, ବାଲେଶ୍ୱରକୁ ୩୮/୧୭ ପଏଣ୍ଟ, ରେଭେନ୍ସା ବିଶ୍ୱବିଦ୍ୟାଳୟକୁ ୩୭/୧୦ ପଏଣ୍ଟ କରି ବିଜୟ ସହ ଫାଇନାଲରେ ପ୍ରବେଶ କରିଛି।
Comments are closed.