ଚାନ୍ଦିପୁଟ: ଗଜପତି ଜିଲ୍ଲା ମୋହନା ବ୍ଲକ ଅନ୍ତର୍ଗତ ଚାନ୍ଦିପୁଟ ସ୍ଥିତ ଇନ୍ଦିରା ସୃତି ସ୍ନାତକ ମହାବିଦ୍ୟାଳୟକୁ ଦୁଇ ଦିନିଆ ଗସ୍ତରେ ଆସିଥିବା ନାକ୍ ଟିମ୍ ପରିଦର୍ଶନ କରି ଫେରିଛନ୍ତି। ଗତକାଲି ୨୪ ଓ ଆଜି ୨୫ ତାରିଖ ଦୁଇ ଦିନ ଧରି ମହାବିଦ୍ୟାଳୟର ଆନୁସାଙ୍ଗିକ ବ୍ୟବସ୍ଥାର ସ୍ଥିତି ଅନୁଧ୍ୟାନ କରିଛନ୍ତି। ଭାରତ ସରକାରଙ୍କ ନିର୍ଦ୍ଦେଶକ୍ରମେ ପ୍ରଫେସର ଏମ୍. ଜି. ସେଥୁରମଣଙ୍କ ଅଧ୍ୟକ୍ଷତାରେ ଇନ୍ଦୋର ବିଶ୍ବବିଦ୍ୟାଳୟର ଅର୍ଥନୀତି ବିଭାଗର ପ୍ରଫେସର ଜ୍ଞାନ ପ୍ରକାଶ ଏବଂ ମରାଠାୱଡା ଶିକ୍ଷା କଲେଜର ପ୍ରାକ୍ତନ ଅଧ୍ୟକ୍ଷ ସୁହାଇଲ୍ ଅହମ୍ମଦ ଖାନ ପରିଦର୍ଶନରେ ଆସିଥିଲେ। ବିଶେଷ କରି ମହାବିଦ୍ୟାଳୟରେ ଆନୁସାଙ୍ଗିକ ଶିକ୍ଷା ବ୍ୟବସ୍ଥାର ଅନୁଧ୍ୟାନ ସହ ଶ୍ରେଣୀ ଗୃହ, ବିଜ୍ଞାନ ପାଠାଗାର, ଇତ୍ୟାଦି ସଂପୂର୍ଣ୍ଣ ଅନୁଧ୍ୟାନ କରିଥିଲେ। ଏହି ଅବସରରେ ସ୍ନାତକ ମହାବିଦ୍ୟାଳୟର ଅଧ୍ୟକ୍ଷ ପୂର୍ଣ୍ଣଚନ୍ଦ୍ର ତ୍ରିପାଠୀ, ନାକ୍ ସଂଯୋଜକ ଡ଼ ସନ୍ୟାସୀ ବେହେରା ପ୍ରମୁଖଙ୍କ ସମେତ ସମସ୍ତ ଅଧ୍ୟାପକ ଓ ଅଧ୍ୟାପିକା ଓ କର୍ମଚାରୀ ଛାତ୍ର ଛାତ୍ରୀ ମାନେ ଉପସ୍ଥିତ ରହି ସହଯୋଗ କରିଥିଲେ।
Comments are closed.