ପଦ୍ମପୁର: ରାୟଗଡ଼ା ଜିଲ୍ଲା ପଦ୍ମପୁର ବ୍ଳକ ବିଜୁକଲ୍ୟାଣ ମଣ୍ଡପ ପରିସରରେ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି। ଗୋଷ୍ଠୀଷ୍ଟି ଉନ୍ନୟନ ଅଧିକାରୀ ସୁଜିତ କୁମାର ମିଶ୍ରଙ୍କ ସଭାପତିତ୍ୱରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଗୁଣୁପୁର ବିଧାୟକ ରଘୁନାଥ ଗମାଙ୍ଗ ଯୋଗ ଦେଇଥିଲେ। ଏହି ଅବସରରେ ଭିନ୍ନକ୍ଷମ ହିତାଧିକାରୀଙ୍କୁ ଡ଼ାକ୍ତରୀ ପ୍ରମାଣପତ୍ର, ଆୟ ପ୍ରମାଣପତ୍ର, ବସପାସ୍, ଭତା, ଛାତ୍ରବୃତି ଏବଂ ବ୍ୟାଙ୍କ ଋଣ ପ୍ରଦାନ କରାଯାଇଥିଲା। ସେଭଳି ହିତାଧିକାରୀ ମାନଙ୍କୁ କଣ୍ଣ ଯନ୍ତ୍ର, ସାହାରବାଡ଼ି ଏବଂ ତିନି ଚକିଆ ସାଇକେଲ, ଆଶାବାଡ଼ି ବଣ୍ଟନ କରାଯାଇଥିଲା। ଶିବିରରେ ଚକ୍ଷୁ ବିଭାଗ , ଗଳା ଓ ନାସା ବିଭାଗ, ଅସ୍ଥିଶଲ୍ୟ ବିଭାଗ ଓ ମାନସିକ ରୋଗର ବିଶେଷଜ୍ଞ ଡ଼ାକ୍ତର ମାନେ ଉପସ୍ଥିତ ରହି ଦିବ୍ୟାଙ୍ଗଙ୍କ ସ୍ୱାସ୍ଥ୍ୟ ପରୀକ୍ଷା କରିବା ପରେ ପ୍ରମାଣପତ୍ର ପ୍ରଦାନ କରିଥିଲେ। ଏତଦ ବ୍ୟତୀତ ଯୋଗ୍ୟ ବ୍ୟକ୍ତିଙ୍କଠାରୁ ଭତ୍ତା, ବାଣିଶ୍ରୀ ଛାତ୍ରବୃତ୍ତି ଓ ଋଣ ନିମେନ୍ତ ଦରଖାସ୍ତ ଗ୍ରହଣ କରାଯାଇଥିଲା। ଏହି କାର୍ଯ୍ୟକ୍ରମରେ ପଦ୍ମପୁର ବ୍ଲକର ୧୩ଟି ପଞ୍ଚାୟତର ବିଭିନ୍ନ ଗାଁରୁ ୨୫୬ ଜଣ ହିତାଧିକାରୀ ଯୋଗ ଦେଇଥିଲେ।
Comments are closed.