ଲଡୁଗାଁ: କଳାହାଣ୍ଡି ଜିଲ୍ଲା ଲଡୁଗାଁ ସନ୍ନିକଟ କୁଚାଗାଁ ଗ୍ରାମ ପଞ୍ଚାୟତ ଅନ୍ତର୍ଗତ ଧୁଟିଗୁଡା ମଣ୍ଡି ପରିସର ଠାରେ ଶୁକ୍ରବାର ଏକ ବିଶାଳ ମହିଳା ସମାବେଶ ଆୟୋଜିତ ହୋଇଯାଇଛି। ଏହି ସମାବେଶ କୁଚାଗାଁ ସ୍ଵୟଂ ସହାୟକ ଗୋଷ୍ଠୀ, ସରସ୍ଵତୀ ଉତ୍ପାଦକ ଗୋଷ୍ଠୀ ଏବଂ ପ୍ରଫେସର ଭୁବନେଶ୍ବର ବେହେରା ମେମୋରିଆଲ ୟୁଥ ଅର୍ଗାନାଇଜେଶନ୍ ଆନୁକୁଲ୍ୟରେ ପାଳିତ ହୋଇଯାଇଛି। ଉଦଘାଟନୀ ଉତ୍ସବରେ ଲାଞ୍ଜିଗଡ଼ ବିଧାୟକ ପ୍ରଦୀପ ଦିଶାରୀ ମୁଖ୍ୟ ଅତିଥି ଭାବେ ଯୋଗଦାନ କରି ସମସ୍ତଙ୍କୁ ମହାବିଷୁବ ସଂକ୍ରାନ୍ତି ଓ ଓଡ଼ିଆ ନବବର୍ଷର ଶୁଭେଚ୍ଛା ଜ୍ଞାପନ କରି ଗ୍ରାମାଞ୍ଚଳର ଏଭଳି ଆୟୋଜନ ମହିଳା ମାନଙ୍କ ପାଇଁ ସଚେତନ ଧର୍ମୀ ଓ ଶିକ୍ଷଣୀୟ ବୋଲି ବର୍ଣ୍ଣନା କରିଥିଲେ। ଏଥିରେ ସମ୍ମାନିତ ଅତିଥି ଭାବେ ପଞ୍ଚାୟତ ସମିତି ଅଧ୍ୟକ୍ଷା ଜୁନାଗଡ଼ ସବିତା ମେହେର, ଧର୍ମଗଡ଼ ଏନଏସି ଉପାଧ୍ୟକ୍ଷା ମନୀଷା ମିଶ୍ର, ବରିଷ୍ଠ ସାମ୍ବାଦିକ ଶେଷଦେବ ବେହେରା ପ୍ରମୁଖ ଯୋଗ ଦେଇଥିଲେ।
Comments are closed.