ପାଟଣା: କେନ୍ଦୁଝର ଜିଲ୍ଲା ପାଟଣା ବ୍ଲକ ଅନ୍ତର୍ଗତ ଖିରେଇଟାଙ୍ଗିରି ଗ୍ରାମ ପଞ୍ଚାୟତର ଡଳଙ୍ଗ ଗ୍ରାମବାସୀ ପଞ୍ଚାୟତ ଘେରାଉ କରିଥିଲେ। ଦୀର୍ଘ ବର୍ଷ ହେଲା ଡ଼ଳଙ୍ଗ ଗ୍ରାମରେ ରାମ ନବମୀ ପୂଜା ମହା ସମାରୋହରେ ପାଳନ କରି ଆସୁଛନ୍ତି। ଏବର୍ଷ ମଧ୍ୟ ରାମ ନବମୀ ପୂଜା ଅନୁଷ୍ଠିତ ହୋଇଥିଲା। କିନ୍ତୁ ଏବର୍ଷ ରାମ ନବମୀ ପୂଜାରେ ବିଶୃଙ୍ଖଳା ପରେ ବିଶୃଙ୍ଖଳା ସୃଷ୍ଟି ହୋଇଥିଲା। ସ୍ଥାନୀୟ ସରପଞ୍ଚ ଏଥିରେ ସହଯୋଗ କରି ଗ୍ରାମର ୱାର୍ଡ ମେମ୍ବର ଦୁଇ ଜଣଙ୍କୁ ଅସ୍ତ୍ର କରି ଗୋଟି ଚାଳନା କରୁଥିବାର ଅଭିଯୋଗ ହୋଇଥିଲା। ଯାହା ଫଳରେ ରାମ ନବମୀ ପୂଜାଠାରୁ ବିସର୍ଜନ ପର୍ଯ୍ୟନ୍ତ ଗଣ୍ଡଗୋଳ ହିଁ ବଢ଼ିବାରେ ଲାଗିଥିଲା। ତଥାପି ଗ୍ରାମ ଭଦ୍ର ବ୍ୟକ୍ତିଙ୍କ ଦ୍ୱାରା ଏହା ସମାଧାନ କରାଯିବାର ନିଷ୍ପତି ନିଆଯିବା ପାଇଁ ସ୍ଥିର କରାଯାଇଥିବା ବେଳେ ସରପଞ୍ଚଙ୍କ ନିର୍ଦେଶରେ ସମାଧାନକୁ ପଞ୍ଚାୟତରେ ସମାଧାନ କରିବାପାଇଁ ଦୁଇ ୱାର୍ଡ ମେମ୍ବର ପଞ୍ଚାୟତରେ ଅଭିଯୋଗ କରିଥିଲେ। ଗାଁ କଥାକୁ ଗାଁରେ ସମାଧାନ ନକରି ପଞ୍ଚାୟତକୁ ଆଣି ଗ୍ରାମର ଦୁର୍ବଳତା ପ୍ରକାଶ କରିବା ଲଜ୍ଜାଜନକ ବୋଲି ଦୁଇ ୱାର୍ଡ ମେମ୍ବରକୁ ଇସ୍ତଫା ଦାବିକରି ଡ଼ଳଙ୍ଗ ଗ୍ରାମର ଶତାଧିକ ମହିଳା ଓ ପୁରୁଷ ପଞ୍ଚାୟତ ଅଫିସ ଘେରାଉ କରିଥିଲେ।
Comments are closed.