ଡେସ୍କ: ୨୦୨୪ ଲୋକସଭା ନିର୍ବାଚନ ଓ ଓଡିଶା ବିଧାନସଭା ନିର୍ବାଚନ ନିମନ୍ତେ ରାଜ୍ୟ ସରକାର ୪ ଦିନ ଛୁଟି ଘୋଷଣା କରିଛନ୍ତି। ରାଜ୍ୟରେ ୪ଟି ପର୍ଯ୍ୟାୟରେ ଉଭୟ ଲୋକସଭା ଓ ବିଧାନସଭା ପାଇଁ ଭୋଟ ଗ୍ରହଣ ହେବାକୁ ଥିବା ବେଳେ ରାଜ୍ୟ ସରକାରୀ କର୍ମଚାରୀ ଓ ମାଜିଷ୍ଟ୍ରେଟ ସ୍ତରୀୟ କୋର୍ଟ କର୍ମଚାରୀଙ୍କ ନିମନ୍ତେ ଭୋଟ ଦେବା ଲାଗି ଏହି ଛୁଟି ଘୋଷଣା କରାଯାଇଛି।
ପାଣି ଟାଙ୍କିରେ ୩୦ ମାଙ୍କଡ଼ଙ୍କ ମୃତଦେହ, ୨ ଶହ ପରିବାର ପିଉଛନ୍ତି ପାଣି
ସୂଚନା ଅନୁଯାୟୀ, ଯେଉଁ ପର୍ଯ୍ୟାୟରେ ଯେଉଁ ସଂସଦୀୟ କ୍ଷେତ୍ର ଓ ତାହା ଅଧିନସ୍ତ ବିଧାନସଭା କ୍ଷେତ୍ର ପାଇଁ ଭୋଟ ଗ୍ରହଣ ହେବ, ତାହା ଅଧୀନରେ ଥିବା ଅଂଚଳଗୁଡ଼ିକ ପାଇଁ ଛୁଟି ଘୋଷଣା କରାଯାଇଛି। ପ୍ରଥମ ପର୍ଯ୍ୟାୟରେ ମେ’ ୧୩ରେ ଭୋଟ ଗ୍ରହଣ ହେବାକୁ ଥିବା କଳାହାଣ୍ଡି, ନବରଙ୍ଗପୁର, ବ୍ରହ୍ମପୁର ଓ କୋରାପୁଟ ପାଇଁ ଛୁଟି ଘୋଷଣା କରାଯାଇଥିବା ବେଳେ ଦ୍ଵିତୀୟ ପର୍ଯ୍ୟାୟରେ ମେ’ ୨୦ରେ ଭୋଟ ଗ୍ରହଣ ହେବାକୁ ଥିବା ବରଗଡ଼, ସୁନ୍ଦରଗଡ଼, ବଲାଙ୍ଗୀର, କନ୍ଧମାଳ ଏବଂ ଆସ୍କା, ତୃତୀୟ ପର୍ଯ୍ୟାୟରେ ମେ’ ୨୫ରେ ଭୋଟ ଗ୍ରହଣ ହେବାକୁ ଥିବା ସମ୍ବଲପୁର, କେନ୍ଦୁଝର, ଢେଙ୍କାନାଳ, କଟକ, ପୁରୀ ଏବଂ ଭୁବନେଶ୍ୱର ଓ ଜୁନ ୧ରେ ଭୋଟ ଗ୍ରହଣ ହେବାକୁ ଥିବା ମୟୁରଭଞ୍ଜ, ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡା ଓ ଜଗତସିଂହପୁର ପାଇଁ ଛୁଟି ଘୋଷଣା କରାଯାଇଛି।
