ଡେସ୍କ: ରାଜ୍ୟ କ୍ୟାବିନେଟ ବୈଠକରେ କେତେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଗ୍ରହଣ କରାଯାଇଛି। ଏହି ନିଷ୍ପତ୍ତି ଅନୁଯାୟୀ, କାଳିଆ ସହାୟତା ଅବଧିକୁ ୩ ବର୍ଷ ବୃଦ୍ଧି କରାଯାଇଛି। ୨୦୨୬-୨୭ ବର୍ଷ ଯାଏଁ କାଳିଆ ସହାୟତା ଅବଧି ବୃଦ୍ଧି କରାଯାଇଛି। ଏଥିପାଇଁ ୬୦୨୯.୭୦ କୋଟି ଖର୍ଚ୍ଚ ହେବ ବୋଲି ଜଣାପଡିଛି। ପୂର୍ବରୁ ଏହି ସହାୟତା ରାଶି ଏପ୍ରିଲ ୧ ଓ ସେପ୍ଟେମ୍ବର ୧ରେ ମିଳୁଥିବା ବେଳେ ଏଣିକି ରାଜ୍ୟ ସରକାର ଯେକୌଣସି ସମୟରେ ଏହି ସହାୟତା ଅର୍ଥ ପ୍ରଦାନ କରିପାରିବେ। ଏହାଛଡା ଭୂମିହୀନ କୃଷକ ପରିବାରକୁ ଅତିରିକ୍ତ ୨ ହଜାର ଟଙ୍କା ସହାୟତା ମିଳିବ।
ଅନ୍ୟପକ୍ଷରେ କ୍ୟାବିନେଟରେ ସେମିକଣ୍ଡକ୍ଟର ଶିଳ୍ପକୁ ପ୍ରାଧାନ୍ୟ ଦିଆଯାଇଛି। ନିଷ୍ପତ୍ତି ଅନୁଯାୟୀ, ଜାତୀୟ ଦକ୍ଷତା ତାଲିମ ପାଇଁ ରାଜ୍ୟ ସରକାର ଜଟଣୀ ମଦନପୁରରେ ୭ ଏକରରୁ ଅଧିକ ଜମି ଯୋଗାଇ ଦେବେ। ଅନ୍ୟ ଏକ ନିଷ୍ପତ୍ତି ଅନୁଯାୟୀ, ପଞ୍ଚାୟତ ଅଧିକାରୀଙ୍କୁ ପଦୋନ୍ନତି ଦିଆଯିବ। ପଞ୍ଚାୟତରେ କାର୍ଯ୍ୟରତ ପିଇଓ ଓ ଭିଏଲ୍ଡବ୍ଲୁଙ୍କୁ ପଦୋନ୍ନତି ଦିଆଯିବ। ଏଥିଲାଗି ଚାକିରି ପାଇଁ ଶିକ୍ଷାଗତ ଯୋଗ୍ୟତା +୩କୁ ବୃଦ୍ଧି କରାଯାଇଛି। ସେହି ଅଧିକାରୀମାନଙ୍କୁ ପ୍ରତି ୫ ଓ ୮ ବର୍ଷ ପରେ ପଦୋନ୍ନତି ଦିଆଯିବ। ସେହିପରି ନୂଆ-ଓ କାର୍ଯ୍ୟକ୍ରମକୁ ବ୍ୟାପକ କରିବା ଲାଗି ୩୧୫ କୋଟିର ପାଣ୍ଠି ବ୍ୟବସ୍ଥା କରାଯିବାକୁ ନିଷ୍ପତ୍ତି ଗ୍ରହଣ କରାଯାଇଛି।
ଜମ୍ମୁ-କଶ୍ମୀରର ପୂର୍ବତନ ରାଜ୍ୟପାଳ ସତ୍ୟପାଲ ମଲ୍ଲିକଙ୍କ ବାସଭବନରେ ସିବିଆଇ ଚଢ଼ାଉ
ରାଜ୍ୟ କ୍ୟାବିନେଟର ଅନ୍ୟ ଏକ ନିଷ୍ପତ୍ତି ଅନୁଯାୟୀ, ୨୦୧୪ ଅନୁଦାନପ୍ରାପ୍ତ ଶିକ୍ଷକ ଓ କର୍ମଚାରୀଙ୍କ ଦରମା ବୃଦ୍ଧି ପାଇବ।୧ ହଜାର ୭୮୯ ଜଣ ଶିକ୍ଷକ ଓ ଅଣଶିକ୍ଷକ କର୍ମଚାରୀଙ୍କୁ ୭ମ ବେତନ କମିଶନ ହାରରେ ଦରମା ଦେବା ପାଇଁ ୨୭.୩୭ କୋଟି ଟଙ୍କା ଖର୍ଚ୍ଚ ହେବ।
