ଭୁବନେଶ୍ବର : ମୁକ୍ତିଲାଭ କଲା ନୂଆ ଓଡ଼ିଆ ସିନେମା ‘ଛି ରେ ନନୀ ‘। ଏକ ଭାଇରାଲ ଗୀତର ଟାଇଟେଲକୁ ଆଧାର କରି ‘ଛି ରେ ନନୀ’ ଓଡ଼ିଆ ସିନେମା ଆଜି ପୂର୍ଣ୍ଣ ପ୍ରେକ୍ଷାଳୟରେ ମୁକ୍ତିଲାଭ କରିଛି। ପ୍ରମୁଖ ଚରିତ୍ରରେ ଶିବାନୀ ,ଶୈଳେନ୍ଦ୍ର ଓ ଦ୍ବୀପନମିତ ଦାସ ମହାପାତ୍ରଙ୍କୁ ଦର୍ଶକ ଦେଖିବାକୁ ପାଇବେ।
ଏହି ଚଳଚିତ୍ରଟିକୁ ନିର୍ମାଣ କରିଛନ୍ତି ପ୍ରଯୋଜକ ସୀତାରାମ ଅଗ୍ରୱାଲ ଓ ନିର୍ଦ୍ଦେଶନା ଦେଇଛନ୍ତି ଭେଟେରାନ୍ ନିର୍ଦ୍ଦେଶକ ସୁଶାନ୍ତ ମଣି। ସହ ପ୍ରଯୋଜନା କରିଛନ୍ତି ଯୁବ ନିର୍ମାତା ଯୋଡି ସିଦ୍ଧାର୍ଥ ଓ ତମନ୍ନା ଅଗ୍ରୱାଲ। ଏହି ଚଳଚିତ୍ର ଏକ ମ୍ୟୁଜିକାଲ ଲଭ ଷ୍ଟୋରୀ। ବଳିଷ୍ଠ କାହାଣୀ ସାଙ୍ଗକୁ ,ନିରୀହ ପ୍ରେମ ,ଗ୍ରାମ ବାସ୍ତବତା ଓ ନାଟକୀୟତାକୁ ,ଏ କାହାଣୀରେ ଦର୍ଶାଇଛନ୍ତି ନିର୍ଦ୍ଦେଶକ।
ପ୍ରକାଶଥାଉକି ,ଏହା ସିଦ୍ଧାର୍ଥ ମ୍ୟୁଜିକର ୪୫ତମ ଚଳଚ୍ଚିତ୍ର। ଏହି ସିନେମାଟି ୫୨ ଟି ପ୍ରେକ୍ଷାଳୟରେ ମୁକ୍ତିଲାଭ କରି ଦର୍ଶକଙ୍କ ପ୍ରଶଂସା ସାଉଁଟିବା ନେଇ ପ୍ରଯୋଜକ ସୀତାରାମ ଅଗ୍ରୱାଲ କହିଛନ୍ତି। ସେ କହିଛନ୍ତି ,ଓଡ଼ିଆ ସିନେମାରେ ଏବେ ସୁବର୍ଣ୍ଣ ଯୁଗ ଆରମ୍ଭ ହୋଇଛି ଓ ଆଗକୁ ଓଡ଼ିଆ ସିନେମା ଇତିହାସରେ ସ୍ଵର୍ଣ୍ଣିମ ଅଧ୍ୟାୟ ଯୋଡି ହେବାକୁ ଯାଉଛି। ଆଗାମୀ ଦିନରେ ଓଡ଼ିଆ ସିନେମାର ଭବିଷ୍ୟତ ଉଜ୍ଜ୍ୱଳ ନେଇ ପ୍ରଯୋଜକ , ସିନେ ସମୀକ୍ଷକ ଓ ନିର୍ଦ୍ଦେଶକ ମହଲରେ ଚର୍ଚ୍ଚା ଜୋର ଧରିଛି।
