ଛତିଶଗଡ଼ରେ ଆଇଇଡି ବିସ୍ଫୋରଣରେ ଓଡ଼ିଆ ଯବାନ ଶହୀଦ

ଡେସ୍କ: ଛତିଶଗଡ଼଼ରେ ଆଇଇଡି ବିସ୍ଫୋରଣରେ ସୀମା ସୁରକ୍ଷା ବଳରେ କାର୍ଯ୍ୟରତ ଜଣେ ଓଡ଼ିଆ ଯବାନ ପ୍ରକାଶ ଚନ୍ଦ୍ର ଶିଅଳ ଶହୀଦ ହୋଇଛନ୍ତି। ସାଧାରଣ ନିର୍ବାଚନ ପାଇଁ ମାଲକାନଗିରି ସୀମାନ୍ତ ସୁକ୍‌‌ମା ଜିଲ୍ଲାର ତୋଣ୍ଡମାରକା କ୍ୟାମ୍ପ ଅଞ୍ଚଳରେ ଭୋଟ ଗ୍ରହଣ ଦଳକୁ ସୁରକ୍ଷା ଦେଉଥିବା ବେଳେ ମାଓବାଦୀଙ୍କ ଦ୍ୱାରା ଖଞ୍ଜା ଯାଇଥିବା ଆଇଇଡି ବିସ୍ଫୋରଣ ହୋଇଥିବା ପ୍ରାଥମିକ ଭାବେ ସୂଚନା ମିଳିଛି। ଶହୀଦ ଓଡ଼ିଆ ଯବାନ ପ୍ରକାଶ ଚନ୍ଦ୍ର ଶିଅଳଙ୍କ ଘର ବାଲେଶ୍ୱର ଜିଲ୍ଲା ବାହାନଗା ବ୍ଲକ ଗୋପାଳପୁର ଗ୍ରାମରେ। ଆଜି ଶହୀଦଙ୍କ ପାର୍ଥିବ ଶରୀର ପୂର୍ବାହ୍ନ ୧୧ଟାରେ ଭୁବନେଶ୍ୱରରେ ପହଂଚିବା ପରେ ତାଙ୍କ ପୈତୃକ ଗାଁକୁ ନିଆଯିବ।

ସୂଚନା ଅନୁଯାୟୀ, ସେ ବିସ୍ଫୋରଣରେ ଗୁରୁତର ଭାବେ ଆହତ ହେବା ପରେ ଚିକିତ୍ସା କରାଯାଉଥିଲା କିନ୍ତୁ ଗତ ରାତି ପ୍ରାୟ ୮ଟା ସମୟରେ ସେ ଶେଷ ନିଶ୍ୱାସ ତ୍ୟାଗ କରିଥିଲେ।