କେନ୍ଦୁଝରଗଡ : ଘଟଗାଁ ବ୍ଲକ ମୁଦ୍ରାବେଡା ଗ୍ରାମର ସୁଶାନ୍ତ ଖମୁଣିଆଙ୍କ ସ୍ତ୍ରୀ ପ୍ରିୟତମା ପ୍ରସବକାଳୀନ ଯନ୍ତ୍ରଣା ଅନୁଭବ କରିବା ପରେ ଶୁକ୍ରବାର ପୂର୍ବାହ୍ନ ସାଢ଼ ୧୧ଟାରେ କେନ୍ଦୁଝର ହିମା ହସ୍ପିଟାଲରେ ଶୁକ୍ରବାର ଭର୍ତ୍ତି ହୋଇଥିଲେ। ଅପରାହ୍ନ ୫ଟାରେ ପ୍ରସବ ପାଇଁ ଅସ୍ତ୍ରୋପଚାର ସମୟରେ ପ୍ରସୂତୀ ପ୍ରିୟତମା ଅତ୍ୟଧିକ ରକ୍ତକ୍ଷରଣ ହୋଇ ମୁମୁର୍ଷୁ ଅବସ୍ଥାକୁ ପହଞ୍ଚିବାରୁ ରକ୍ତର ଆବଶ୍ୟକତା ପଡିଥିଲା । ଜିଲା ରକ୍ତ ଭଣ୍ଡାରରେ ସେହି ସମୟରେ ‘ବି’ ପଜିଟିଭ ରକ୍ତ ନଥିବାରୁ ତତ୍କ୍ଷଣାତ ହସ୍ପିଟାଲରେ କାର୍ଯ୍ୟରତ ସେବିକା ସମ୍ବିତାରାଣୀ ସାହୁ ରକ୍ତଭଣ୍ଡାରରେ ପହଞ୍ଚି ସ୍ୱେଛାକୃତ ଭାବେ ରକ୍ତଦାନ କରି ପ୍ରସୂତୀଙ୍କ ଜୀବନ ବଞ୍ଚାଇବାରେ ସହାୟ ହୋଇଥିଲେ। ସେବାକୁ ନିଜ ଜୀବନରେ ବ୍ରତୀ ଭାବେ ଗ୍ରହଣ କରିଥିବାରୁ ଯେକୌଣସି ପରିସ୍ଥିତିରେ ରୋଗୀଙ୍କୁ ଆବଶ୍ୟକ ଚିକିତ୍ସା ସହାୟତା ପ୍ରଦାନ ସହ ମାନବିକତା ପ୍ରଦର୍ଶନ କରିବା ଜରୁରୀ ହୋଇଥିବାରୁ ମୁଁ ସ୍ୱେଛାକୃତ ରକ୍ତଦାନ କରି ପ୍ରସୂତୀଙ୍କ ଜୀବନ ବଞ୍ଚାଇବାରେ ସହାୟତା ହୋଇପାରିଥିବାରୁ ବେଶ୍ ଖୁସି ବୋଲି ସେବିକା ସମ୍ବିତା ନିଜ ପ୍ରତିକ୍ରିୟାରେ କହିଛନ୍ତି। ସେବିକାଙ୍କ ଏଭଳି ମହନୀୟ କାର୍ଯ୍ୟକୁ ସାଧାରଣରେ ବେଶ୍ ପ୍ରଶଂସା କରାଯାଇଛି।
Popular Categories
Previous article
Next article