ଖଣ୍ଡୁଆକୁ ନୂତନ ଦିଗଦର୍ଶନ ଦେଇ ନୂଆପାଟଣା ମାଟି ବିଶ୍ଵବିଦିତ

ସମିତି ସଭାପତି କେଶବ ଚନ୍ଦ୍ର ପାତ୍ରଙ୍କ ପୌରୋହିତ୍ୟରେ ଅନୁଷ୍ଠିତ ଏହି କାର୍ଯ୍ୟକ୍ରମକୁ ମୁଖ୍ୟଅତିଥି ମନ୍ତ୍ରୀ ଶ୍ରୀମତୀ ସାହୁ ଉଦଘାଟନ କରିଥିଲେ। ସମ୍ମାନୀତ ଅତିଥି ଭାବେ ରାଜ୍ୟ କୃଷି ଓ କୃଷକ ସଶକ୍ତିକରଣ, ପ୍ରଣୀସମ୍ପଦ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ଵାଇଁ ଯୋଗଦେଇଥିବା ବେଳେ ଅନ୍ୟତମ ସମ୍ମାନୀତ ଅତିଥି ଭାବେ ସେବାକେନ୍ଦ୍ର ପ୍ରାକ୍ତନ ଉପନିର୍ଦ୍ଦେଶକ ସୁରେନ୍ଦ୍ର କୁମାର ପାତ୍ର, ହସ୍ତତନ୍ତ,ବୟନ ଓ ହସ୍ତଶିଳ୍ପ ଯୁଗ୍ମ ନିର୍ଦେଶକ ଦେବଜିତ ନନ୍ଦୀ, ବୟନ ସହକାରୀ ନିର୍ଦେଶକ ନିରଞ୍ଜନ ଦେବତା, ସେରିଫେଡ ସଭାପତି ଭାଗୀରଥୀ ନନ୍ଦ, ବିଜେପୁର ବ୍ଲକ ଅଧ୍ୟକ୍ଷ ମୃତ୍ୟୁଞ୍ଜୟ ସାହୁ ତିଗିରିଆ ଗୋଷ୍ଠୀ ଉନ୍ନୟନ ଅଧିକାରୀ ପ୍ରଣବ କୁମାର ବେହେରା, ବ୍ଲକ ଉପାଧ୍ୟକ୍ଷ ମାନସ କୁମାର ସାହୁ ଓ ନୂଆପାଟଣା ସରପଞ୍ଚ ସୋମନାଥ ଦାସ, ବୟନ ତତ୍ତ୍ୱାବଧାରକ ଡ. ସୁଦର୍ଶନ ବେହେରା ପ୍ରମୂଖ ମଞ୍ଚାସୀନ ଥିଲେ। ପ୍ରସନ୍ନ ତୋଷ ସ୍ଵାଗତ ଭାଷଣ ଓ ମଞ୍ଚ ପରିଚାଳନା କରିଥିଲେ।

ପ୍ରଥମେ ଅତିଥିମାନଙ୍କ ଦ୍ଵାରା ତନ୍ତୁବାୟ ସମିତିର ପ୍ରତିଷ୍ଠାତା ସ୍ଵର୍ଗତ ଅର୍ଜୁନ ସୁବୁଦ୍ଧିଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯିବା ସହିତ ସାଧାରଣ ଉପଯୋଗ କେନ୍ଦ୍ରର ଲୋକାର୍ପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି ଅବସରରେ ଅତିଥିମାନଙ୍କ ଦ୍ବାରା ‘ହୀରକ ଜୟନ୍ତୀ ସମାରୋହ ସ୍ମାରକୀ’ ସ୍ମରଣିକା ପୁସ୍ତକ ‘ଖଣ୍ଡୁଆ ଆମ ସ୍ଵାଭିମାନ’ ର ଉନ୍ମୋଚନ କରାଯାଇଥିଲା ଏବଂ ଦକ୍ଷ କାରିଗର ଶ୍ଵେତ ବସନ୍ତ ପାତ୍ରଙ୍କୁ ଅର୍ଜୁନ ସୁବୁଦ୍ଧି ସମ୍ମାନରେ ସମ୍ମାନୀତ ଏବଂ ପାଞ୍ଚଜଣ ବୟୋଜ୍ୟେଷ୍ଠ ବୁଣାକାର ରାମଚନ୍ଦ୍ର ଦାସ, ଲାବଣ୍ୟ ଦେଇ, ହରିହର କଟୁଆଳ, ରାମଚନ୍ଦ୍ର ଦାସ, ଦୟାନିଧି ବେହେରାଙ୍କୁ ବୟୋଜ୍ୟେଷ୍ଠ ସମ୍ମାନରେ ସମ୍ମାନୀତ କରାଯାଇଥିଲା।ସେହିପରି ଦୁଇଜଣ ମାଷ୍ଟର ବୁଣାକାର କାଶୀନାଥ ତୋଷ ଓ ବିଦ୍ୟାଧର ଦାସଙ୍କୁ ସମ୍ମାନୀତ କରାଯାଇଥିଲା ଏବଂ ସ୍ବର୍ଗତ ଅର୍ଜୁନ ସୁବୁଦ୍ଧିଙ୍କ ନାତି ତଥା ନୂଆପାଟଣା ନଂ-୧ ତନ୍ତୁବାୟ ସମିତିର ୧ନଂ କ୍ରମିକ ସଦସ୍ୟ ଭାବେ ରବୀନ୍ଦ୍ର କୁମାର ଦାସଙ୍କୁ ସମ୍ମାନୀତ କରାଯାଇଥିଲା। ଏହି ଅବସରରେ ମୁଖ୍ୟମନ୍ତ୍ରୀ ବୟନ ଜ୍ୟୋତି ଯୋଜନାରେ ୩୦ ଜଣ ବୁଣାକାରଙ୍କୁ ଇନଭର୍ଟର ବଣ୍ଟନ କରାଯାଇଥିଲା। ଶେଷରେ ଆଠଗଡ଼ ବୟନ ମଣ୍ଡଳ ବୟନ ସହକାରୀ ନିର୍ଦ୍ଦେଶକ ଶ୍ରୀକାନ୍ତ ନାୟକ ଧନ୍ୟବାଦ ଅର୍ପଣ କରିଥିଲେ।