ସମ୍ବଲପୁର: ଆଗାମୀ ସେପ୍ଟେମ୍ବର ୧୪ ଓ ୧୫ ତାରିଖରେ ଧନୁପାଲିଠାରେ ଆୟୋଜିତ ହେବାକୁ ଥିବା ଧନୁପାଲି ଆଞ୍ଚଳିକ ନୂଆଁଖାଇ ଭେଟଘାଟ ଉତ୍ସବ ପାଇଁ ମା’ ସମଲେଶ୍ୱରୀଙ୍କୁ ଶୁକ୍ରବାର ଅପରାହ୍ନରେ ନିୟୁତା(ନିମନ୍ତ୍ରଣ) ଦିଆଯାଇଛି । ‘ନୂଆଁଖାଇ ଭେଟଘାଟ’ କାର୍ଯ୍ୟକ୍ରମ ‘ଜିଇଁ ଥିଲେ ବରଷେ’ ପାଇଁ ଶୁଭ ମନାସୀ ମୁଖ୍ୟ ପୂଜକ ଅମ୍ବିକା ରାୟଙ୍କ ଦ୍ୱାରା ମା’ ସମଲେଶ୍ୱରୀଙ୍କୁ ପାରମ୍ପରିକ ରୀତିନୀତି ଅନୁଯାୟୀ ପୂଜାର୍ଚ୍ଚନା ପରେ ବିଧିବଦ୍ଧ ଭାବରେ ମା’ଙ୍କୁ ନିମନ୍ତ୍ରଣ କରାଯାଇଛି । ଏହି କାର୍ଯ୍ୟକ୍ରମରେ ସଂଯୋଜକ ଦେବାଶିଷ ପୁରୋହିତ, ସହ ସଂଯୋଜକ ସୌରଭ ରଞ୍ଜନ ମହାପାତ୍ର, ସଭାପତି ସଞ୍ଜୟ ମିଶ୍ର, ଉପ ସଭାପତି ସଞ୍ଜୀବ ପାଢ଼ୀ, ସୁରଜ କୁମାର ଗୁରୁ, ସନ୍ତୋଷ ରାୟଗୁରୁ, ଚୈତନ୍ୟ ନାୟକ, ଗଣମାଧ୍ୟମ ସଂଯୋଜକ ସଞ୍ଜୀବ ପାଣିଗ୍ରାହୀ, ଉମାଷିଶ ବାଗଙ୍କ ସମେତ ଅନ୍ୟ ସଦସ୍ୟ ଏହି ଅବସରରେ ଉପସ୍ଥିତ ରହି ମା’ ସମଲେଶ୍ୱରୀଙ୍କ ଆଶୀର୍ବାଦ ଭିକ୍ଷା କରିଥିଲେ।
Comments are closed.