ନୂଆଦିଲ୍ଲୀ: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଶୁକ୍ରବାର ସଂସଦରେ ପୂର୍ଣ୍ଣାଙ୍ଗ ବଜେଟ ଉପସ୍ଥାପନ କରିଛନ୍ତି। ଏଥିରେ ଦେଶର ସାମଗ୍ରିକ ବିକାଶ ପାଇଁ କି କି ପଦକ୍ଷେପ ନିଆଯାଇଛି ଏବଂ ଆଗକୁ କ’ଣ ପଦକ୍ଷେପ ନେବାର ଅଛି ସେ ବିଷୟରେ ଜଣାଇଛନ୍ତି। ଅର୍ଥମନ୍ତ୍ରୀ କହିଥିଲେ, ୨୦୧୪ରେ ବିଜେପି ସରକାର ଗଠନ ସମୟରେ ଦେଶର ଅର୍ଥନୀତି ୧.୮୫ ଟ୍ରିଲିୟନ ଡଲାର ରହିଥିଲା। ଗତ ୫ବର୍ଷ ମଧ୍ୟରେ ଏହା ବୃଦ୍ଧି ପାଇଁ ୨.୭ ଟ୍ରିଲିୟନ ଡଲାରରେ ପହଞ୍ଚିପାରିଛି। ଆଗାମୀ ୫ବର୍ଷ ମଧ୍ୟରେ ଦେଶକୁ ୫ ଟ୍ରିଲିୟନ ଡଲାର ଅର୍ଥନୀତିରେ ପରିଣତ କରାଯିବାକୁ ଲକ୍ଷ୍ୟ ରହିଛି। ଏବେ ଭାରତ ବିଶ୍ଵରେ ୩ୟ ବୃହତ୍ତ ଅର୍ଥନୀତି ଭାବେ ଉଭା ହୋଇଛି। ପ୍ରଧାନମନ୍ତ୍ରୀଙ୍କ ଦୃଢ଼ ନେତୃତ୍ଵ ବଳରେ ଆମେ ଆମର ଲକ୍ଷ୍ୟ ହାସଲ କରିପାରିବୁ।
ସେହିପରି ଦେଶର ୩ କୋଟି ଛୋଟ ଏବଂ ଉଠା ଦୋକାନୀଙ୍କୁ ପେନସନ ପ୍ରଦାନ କରାଯିବ। ବାର୍ଷିକ ୧.୫ କୋଟିରୁ କମ୍ କାରବାର କରୁଥିବା ଦୋକାନୀମାନଙ୍କୁ ପ୍ରଧାନମନ୍ତ୍ରୀ କର୍ମଯୋଗୀ ମାନଧନ ଯୋଜନାରେ ଏହି ପେନ୍ସନ ମିଳିବ।
