ମୁମ୍ବଇ: ସିଟି କ୍ରାଇମ ବ୍ରାଞ୍ଚ ପକ୍ଷରୁ ଶୁକ୍ରବାର କାର୍ଡ଼ କ୍ଲୋନିଂ କରୁଥିବା ଏକ ର୍ୟାକେଟର ପର୍ଦାଫାସ ହୋଇଛି। ପୁଲିସ ଜଣେ ନାଇଜେରିୟ ବ୍ୟକ୍ତିଙ୍କ ସମେତ ୬ଜଣଙ୍କୁ ଗିରଫ କରିଛି।
ନାଇଜେରିୟ ନାଗରିକ କୋଲାଭୋଲେ ହାକିମ ଓରଫ ଆୟୋ ଆଦିଗନ(୪୦) ନାମକ ବ୍ୟକ୍ତି ଇଣ୍ଟରନେଟର ଡାର୍କ ୱେବରୁ ମିଳିଥିବା ତଥ୍ୟକୁ ଅନ୍ୟ ୫ଜଣଙ୍କୁ ବିକ୍ରି କରି ଦେଇଥିଲେ। ଡାର୍କ ୱେବର ତଥ୍ୟ ମୁଖ୍ୟତଃ ଡେବିଟ ଓ କ୍ରେଡିଟ କାର୍ଡ଼ ସମ୍ବନ୍ଧୀୟ ଥିଲା। ଗିରଫ ୫ଜଣ ଅଭିଯୁକ୍ତଙ୍କ ନିକଟରୁ ନାଇଜେରିୟ ବ୍ୟକ୍ତିଜଣକ ତଥ୍ୟ ବିନିମୟରେ ମୋଟା ଅଙ୍କର ଅର୍ଥ ଆଦାୟ ମଧ୍ୟ କରିଥିଲେ। ତେବେ ଧରା ପଡିବା ଆଶଙ୍କାରେ ତଥ୍ୟ ବିନିମୟରେ ଅର୍ଥ ନଗଦରେ ନନେଇ ବିଟ୍କଏନ(ଡିଜିଟାଲ ମୁଦ୍ରା) ମାଧ୍ୟମରେ ଅର୍ଥ ଆଦାୟ କରିଥିଲେ। ନାଇଜେରିୟ ବ୍ୟକ୍ତିଙ୍କଠାରୁ ମିଳିଥିବା ତଥ୍ୟକୁ ଭିତ୍ତି କରି ଗିରଫ ୫ଜଣ କାର୍ଡ଼ କ୍ଲୋନିଂ ପ୍ରକ୍ରିୟାରେ ନକଲି କାର୍ଡ଼ ନିର୍ମାଣ କରୁଥିବାବେଳେ ପୁଲିସ ହାତରେ ଗିରଫ ହୋଇଛନ୍ତି। ପୁଲିସ ସେମାନଙ୍କ ନିକଟରୁ ୪ଟି ଲ୍ୟାପଟପ୍, ୧୦ଟି ମୋବାଇଲ ଓ ୯୭ଖଣ୍ଡ ଡେବିଟ କାର୍ଡ଼ ଉଦ୍ଧାର କରିଛି।
ଡାର୍କ ୱେବରୁ ଡାଟା ନେଇ କାର୍ଡ଼ କ୍ଲୋନିଂ: ୬ ଗିରଫ
Popular Categories
Previous article
Next article