ଟୀକାକରଣ ଓ ସ୍ୱାସ୍ଥ୍ୟସେବା ଉପରେ ସଚେତନତା

ଭୁବନେଶ୍ୱର: ନିଜର ସ୍ୱାସ୍ଥ୍ୟ ଓ ଟୀକାକରଣ ପ୍ରତି ସମସ୍ତେ ସଚେତନ ହେବା ଓ ସରକାରଙ୍କର ପ୍ରଦତ୍ତ ସ୍ୱାସ୍ଥ୍ୟ ସମ୍ବନ୍ଧୀୟ ଯୋଜନା ବାବଦରେ ଜାଣିବା ଜରୁରୀ ବୋଲି ସ୍ଥାନୀୟ ପଥରବନ୍ଧ ବସ୍ତିଠାରେ ଆକ୍ସନଏଡ୍ ଓ ସିସିଡବ୍ଲ୍ୟଡିଙ୍କ ମିଳିତ ଆନୁକୁଲ୍ୟରେ ଆୟୋଜିତ ସଚେତନତା ଅଭିଯାନରେ ମତ ପ୍ରକାଶ ପାଇଛି।

ମୁଖ୍ୟ ଅତିଥି ଭାବରେ ୱାର୍ଡ ନଂ-୧୭ ର କର୍ପୋରେଟର ପୂଜା ମହାରଣା ଯୋଗଦାନ କରି ସରକାରଙ୍କ ଉତ୍ତମ ସ୍ୱାସ୍ଥ୍ୟସେବା ଉପରେ ଅବଗତ କରାଇଥିଲେ। ଅନ୍ୟତମ ଅତିଥିଭାବରେ ଆଶାକର୍ମୀ ସୌଦାମିନି କାଠୁଆ, ସୁସ୍ମିତା ମହାନ୍ତି ଯୋଗାଦାନ କରି ଶିଶୁ ସ୍ୱାସ୍ଥ୍ୟ, ଟୀକାକରଣ, କୋଭିଡ଼ଟୀକା, ବୁଷ୍ଟର ଡୋଜ୍ ଓ ଗର୍ଭବତୀ ମହିଳାଙ୍କ ସ୍ୱାସ୍ଥ୍ୟ ସୁରକ୍ଷା ଉପରେ ବସ୍ତି ବାସିନ୍ଦାଙ୍କୁ ସଚେତନ କରାଇଥିଲେ।

ଏଥିରେ ଅଙ୍ଗନବାଡ଼ି କର୍ମୀ ସଙ୍ଗୀତା ଦାସ ଓ ସାମାଜିକ କର୍ମୀ ଦମୟନ୍ତୀ ସାହୁ ଯୋଗଦାନ କରି ଯୁବତୀ ମାନଙ୍କର ସ୍ୱାସ୍ଥ୍ୟସୁରକ୍ଷା ଉପରେ ଅବଗତ କରାଇଥିଲେ। ଟୀକାକରଣ ଅଭିଯାନର ଲକ୍ଷ୍ୟ ଓ ଉଦ୍ଦେଶ୍ୟ ସମ୍ପର୍କରେ ସିସିଡବ୍ଲ୍ୟୁଡିର ସମ୍ପାଦକ ସଦାଶିବ ସ୍ୱାଇଁ ସୂଚନା ପ୍ରଦାନ କରିଥିଲେ। ପ୍ରାରମ୍ଭିକ ସୂଚନା ଭାସ୍କର ଚନ୍ଦ୍ର ପ୍ରଧାନ ପ୍ରଦାନ କରିଥିବା ବେଳେ ବିଷ୍ଣୁପ୍ରୀୟା ସାମଲ ଧନ୍ୟବାଦ ଅର୍ପଣ କରିଥିଲେ।

Comments are closed.