ଗୋପାଳପୁର: ଗୋପାଳପୁର ଏନଏସି ପକ୍ଷରୁ ବିଭିନ୍ନ ଓ୍ବାର୍ଡରେ ଲକ୍ଷାଧିକ ଟଙ୍କାର ଉନ୍ନୟନମୂଳକ କାର୍ଯ୍ୟ ଚାଲୁ ରହିଥିଲେ ମଧ୍ୟ କୌଣସି ନିର୍ମାଣ ସ୍ଥଳରେ କାମ ନେଇ ସୂଚନା ଫଳକ ଟିଏ ନଥିବା ଦେଖିବାକୁ ମିଳିଛି। ସରକାରଙ୍କ ନିୟମ ଅନୁସାରେ ଯେଉଁ ଠାରେ ମଧ୍ୟ ଉନ୍ନୟନମୂଳକ କାର୍ଯ୍ୟ କରାଯାଉଛି, ସେଠାରେ ସ୍ଥାନୀୟ ପ୍ରଶାସନ ପକ୍ଷରୁ ସୂଚନା ଫଳକ ଲଗାଇବା ବାଧ୍ୟତାମୂଳକ ରହିଛି। କିନ୍ତୁ ଗୋପାଳପୁର ଏନଏସିରେ ଏହାର ବ୍ୟତିକ୍ରମ ଦେଖିବାକୁ ମିଳିଛି। ବସଷ୍ଟାଣ୍ଡ ସନ୍ନିକଟ ଅଞ୍ଚଳରେ ଏନଏସି ପକ୍ଷରୁ ପ୍ରାୟ ୩୮ ଲକ୍ଷ ଟଙ୍କା ବିନିମୟରେ ୧୦ଟି ଦୋକାନ ଗୃହ ନିର୍ମାଣ କାମ ଗତ କିଛି ଦିନ ଚାଲୁ ରହିଥିବା ବେଳେ ସେଠାରେ କୌଣସି ସୂଚନା ଫଳକ ଲଗା ଯାଇନାହିଁ। ଯାହା ଫଳରେ ଜନସାଧାରଣ ଏହି କାମ କେଉଁ ପାଣ୍ଠି ବିନିଯୋଗରେ କରା ଯାଉଛି ଏବଂ କେବେ ଆରମ୍ଭ ହେଲା କେବେ ଶେଷ ହେବ ଏବଂ ଏହି କାମ କେଉଁ ଠିକାଦାର ଦ୍ୱାରା କରା ଯାଉଛି ତାହା ଜାଣି ପାରୁନାହାଁନ୍ତି।
Comments are closed.