ମୋହନା: ସମାଜସେବୀ ଅନୁଷ୍ଠାନର ନିର୍ଦ୍ଦେଶକ ଫାଦେର ବିମଳ ଚନ୍ଦ୍ର ନାୟକଙ୍କ ତତ୍ବାବଧାନରେ ମୋହନା ହାଇ ସ୍କୁଲ ପଡ଼ିଆ ଠାରେ ଗାନ୍ଧୀ ଜୟନ୍ତୀ ଉପଲକ୍ଷେ ସମସ୍ତ ଧର୍ମ ଗୁରୁ ମାନଙ୍କ ଉପସ୍ଥିତିରେ ସମାଜରେ ଏକ ଅହିଂସା, ଶାନ୍ତି ଏବଂ ଜାତି ବିହୀନ ପରିକଳ୍ପନା ସମ୍ବନ୍ଧୀୟ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ସ୍ଥାନୀୟ ଗୋଷ୍ଠି ଉନ୍ନୟନ ଅଧିକାରୀ ତପସ୍ଵିନୀ ହାଁସଦା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ମୁଖ୍ୟତଃ ଖ୍ରୀଷ୍ଟିଆନ ଧର୍ମ ଗୁରୁ ଫାଦେର ମାଲାକିଆସ ବୀର, ହିନ୍ଦୁ ଧର୍ମ ପକ୍ଷରୁ ମଧୁସୂଦନ ପାଢ଼ୀ, ଶିଖ ଧର୍ମ ତରଫରୁ କୁଲଦୀପ ସିଂ, ମୁସଲିମ ଧର୍ମ ପକ୍ଷରୁ ଇବ୍ରାହିମ୍ମ ଖାନ୍ନ, ମର୍ଯ୍ୟ ସମାଜ ଓ ବୌଦ୍ଧ ଧର୍ମ ପକ୍ଷରୁ ମଧ୍ୟ ଅତିଥିମାନେ ଯୋଗ ଦେଇଥିଲେ। ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ହେଲା ଗଜପତି ଜିଲ୍ଲା ଓ ରାଜ୍ୟରେ ସର୍ବଦା ଶାନ୍ତି, ଅହିଂସା ଓ ଭାଇଚାରର ସମ୍ପର୍କ ନେଇ ସମସ୍ତେ ମିଳିମିଶି ଚଳିବା। ଏହି ପରିପ୍ରେକ୍ଷୀରେ ମହାମହିମ ରାଷ୍ଟ୍ରପତି ଦୌପଦୀ ମୁର୍ମୁଙ୍କ ଉଦ୍ଦେଶ୍ୟରେ ଏକ ସ୍ମାରକ ପତ୍ର ବିଡିଓଙ୍କୁ ପ୍ରଦାନ କରାଯାଇଛି। ଏହି କାର୍ଯ୍ୟକ୍ରମରେ ବିଭିନ୍ନ ଅନୁଷ୍ଠାନର ନିର୍ଦେଶକ, ବୁଦ୍ଧିଜୀବୀଙ୍କ ସମେତ ଅଞ୍ଚଳବାସୀ ବହୁ ସଂଖ୍ୟାରେ ଯୋଗ ଦେଇଥିଲେ। ଏହି କାର୍ଯ୍ୟକ୍ରମକୁ ଶାନ୍ତି ପ୍ରକଳ୍ପର ସଂଯୋଜକ ନରେଶ କୁମାର ରଣଜିତ ପରିଚାଳନା କରିଥିଲେ।
Popular Categories
Previous article
Next article