ଯାଜପୁର : ବଡ଼ଚଣା ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥ କୁନ୍ଦଳ ଛକ ନିକଟରୁ ରବିବାର ସକାଳ ସମୟରେ ବନ ବିଭାଗ କର୍ମଚାରୀମାନେ ଲକ୍ଷାଧିକ ଟଙ୍କାର ଶାଳକାଠ ଜବତ କରିଛନ୍ତି। ସୂଚନା ଯୋଗ୍ୟ, ଝାଡ଼ଖଣ୍ଡ ରାଜ୍ୟରୁ ୩ଟି ବୋଲେରୋ ଯୋଗେ ଆସୁଥିବା ଏହି ଶାଳକାଠ ଗୁଡ଼ିକ ଭୁବନେଶ୍ୱର ଯାଉଥିବା କଥା ଚଣ୍ଡିଖୋଲ ସେକ୍ସନର ବନବିଭାଗ ବିଶ୍ୱସ୍ତ ସୂତ୍ରରୁ ଖବର ପାଇଥିଲା। ଯାଦ୍ୱାରା ବନ କର୍ମଚାରୀମାନେ ଜାତୀୟ ରାଜପଥରେ ଗାଡ଼ି ଅଟକାଇ ଥିଲେ। ସମ୍ପୃକ୍ତ ଘଟଣାରେ ଅଧିକ ତଦନ୍ତ ଆରମ୍ଭ ହୋଇଥିବା ଜଣାପଡ଼ିଛି।
