ନବରଙ୍ଗପୁର: ୨୦୨୧ ନଭେମ୍ବର ୨୭ରେ ରାଜ୍ୟସରକାରଙ୍କ ତତ୍କାଳୀନ ସ୍ୱାସ୍ଥ୍ୟମନ୍ତ୍ରୀ ସ୍ବର୍ଗତ ନବ ଦାସ ଓ କ୍ରୀଡା ମନ୍ତ୍ରୀ ତୁଷାରକାନ୍ତି ବେହେରା ନବରଙ୍ଗପୁର ଗସ୍ତ ସମୟରେ ଅଣ୍ଡା ମାଡ଼ ହୋଇଥିଲା। ଭାରତୀୟ ଜନତା ପାର୍ଟିର ୪ ଜଣ କାର୍ଯ୍ୟକର୍ତ୍ତା ଭିକି ଜେନା, ବଳରାମ ହରିଜନ (ବିନୁ), ମାନସ ରଞ୍ଜନ ଦାସ ଓ ଅମୂଲ୍ୟ ମିଶ୍ରଙ୍କର ନାଁରେ ବିଜେଡି ରାଜ୍ୟ ଯୁବ କାର୍ଯ୍ୟକାରୀ ସଭାପତି ଦିଲୁ ପଣ୍ଡା ମାମଲା କରିଥିଲେ। ପୁଲିସ ଆଇପିସି ୩୦୭ ଭଳି ସଙ୍ଗୀନ ଦଫା ଲଗାଇ କୋର୍ଟ ଚାଲାଣ କରିଥିଲେ। ଏହି ୪ ଜଣ କିଛି ଦିନ ଜେଲରେ ରହି ପରବର୍ତ୍ତୀ ସମୟରେ ଜାମିନରେ ବାହାରି ନିୟମିତ କୋର୍ଟ ଯାଉଥିଲେ। ଏହି ମାମଲା ଜିଲା ଓ ଦୌରା ବିଚାରପତିଙ୍କ ଅଦାଲତରେ ବିଚାର ହୋଇଥିଲା। ସମସ୍ତ ସାକ୍ଷ୍ୟ ପ୍ରମାଣକୁ ଭିତ୍ତି କରି ପ୍ରମାଣ ଅଭାବରୁ ଜିଲା ଓ ଦୌରା ବିଚାରପତି ସମସ୍ତ ୪ ଜଣଙ୍କୁ ଆଜି ନିର୍ଦ୍ଦୋଷରେ ଖଲାସ କରିଛନ୍ତି।
Popular Categories
Previous article
Next article