ସମ୍ବଲପୁର: ପ୍ରଧାନମନ୍ତ୍ରୀ ବିଶ୍ୱକର୍ମା ଯୋଜାନା ଲାଗୁ କେନ୍ଦ୍ର ସରକାର କରିବା ପରେ ଏବେ ଏହାର ପଞ୍ଜିକରଣ ଆଭାସୀ ମାଧ୍ୟମରେ ଚାଲିଛି। ଏହାକୁ ଜନତାଙ୍କ ମଧ୍ୟରେ ସଚେତନତା ସୃଷ୍ଟି କରିବା ନିମନ୍ତେ ବିଜେପି ପକ୍ଷରୁ ଉଦ୍ୟମ କରାଯାଉଛି। ଏହି କ୍ରମରେ ସମ୍ବଲପୁର ଜିଲା ବିଜେପି ପକ୍ଷରୁ ସୋମବାର ଜିଲା ବିଜେପି କାର୍ଯ୍ୟାଳୟ ଠାରେ ଆୟୋଜିତ ସଚେତନତା ଶିବିରରେ ଜିଲା ସଭାପତି ଗିରିଶ ପଟେଲ ସଂଯୋଜନା କରିଥିଲେ। ଏଥିରେ ପୂର୍ବତନ ରାଜ୍ୟ ସଭାପତି ତଥା ପ୍ରଧାନମନ୍ତ୍ରୀ ବିଶ୍ୱକର୍ମା ଯୋଜନାର ରାଜ୍ୟ ସଂଯୋଜକ ସମୀର ମହାନ୍ତି ଓ ରାଜ୍ୟ ସହ ସଂଯୋଜକ ସୁରଥ ବିଶ୍ୱାଳ ଯୋଗ ଦେଇ ଉପସ୍ଥିତ କର୍ମୀ ଓ ପଦାଧିକାରୀ ମାନଙ୍କୁ ପ୍ରଶିକ୍ଷଣ ଦେଇଥିଲେ। ଜିଲାର ୪ଟି ବିଧାନସଭା ମଣ୍ଡଳୀ ଅର୍ନ୍ତଗତ ସମସ୍ତ ମଣ୍ଡଳରୁ ୨ ଜଣ ଲେଖାଏଁ କର୍ମକର୍ତ୍ତା ଏଥିରେ ଯୋଗ ଦେଇଥିଲେ। ଏହି ଶିବିର ପରେ ସ୍ଥାନୀୟ କୁମ୍ଭାରପଡ଼ା ସ୍ଥିତ ଏକ ସିଏସସି କେନ୍ଦ୍ରକୁ ଯାଇ ପ୍ରଧାନମନ୍ତ୍ରୀ ବିଶ୍ୱକର୍ମା ଯୋଜନାର କିଛି ହିତାଧିକାରୀଙ୍କ ନାମ ପଞ୍ଜୀକରଣ କରାଇଥିଲେ। ଏହି ଅବସରରେ ଜିଲା ସଂଯୋଜକ ସୁର୍ଯ୍ୟ ପ୍ରଧାନ, ସହ ସଂଯୋଜକ ମିଲନ ମହାରଣା, ରାଧେଶ୍ୟାମ ବାରିକ, ମାନସ ବକ୍ସୀ, ନିଳାମ୍ବର ସିକନ୍ଦର, ସନ୍ତୋଷ ସାହୁ, ଅସିତ କୁମାର ମହାନ୍ତି, ଦିନେଶ ପ୍ରଧାନ, ଦଶରଥ ମେହେରଙ୍କ ସହିତ ଅନ୍ୟ ମାନେ ଉପସ୍ଥିତ ରହିଥିଲେ।
Popular Categories
Previous article
Next article