ଦେଓଗାଁ: ଦେଓଗାଁ ସରସ୍ୱତୀ ଶିଶୁ ବିଦ୍ୟାମନ୍ଦିରରେ ଦେଖା ଦେଇଥିବା ପରିଚାଳନା ଗତ ତ୍ରୁଟି ଓ ଅବ୍ୟବସ୍ଥାକୁ ନେଇ ମଙ୍ଗଳବାର ଦିନ କିଛି ଅଭିବାବକ ଓ ଶିକ୍ଷାପ୍ରେମୀ ଶୁଶୁମନ୍ଦିର ସାମ୍ନାରେ ଧାରଣା ଦେଇଥିବା ଜଣାପଡିଛି। ଶିଶୁ ମନ୍ଦିରର ପ୍ରଧାନ ଆଚାର୍ଯ୍ୟଙ୍କୁ ଅନ୍ୟତ୍ର ବଦଳି କରିବା, ବେନିୟମ ଭାବେ ଗଠିତ ନୂତନ ପରିଚାଳନା କମିଟିକୁ ଭାଙ୍ଗି ନୂତନ କମିଟି ଗଠନ କରିବାକୁ ଶିକ୍ଷା ବିକାଶ ସମିତି ନିକଟରେ ଦାବୀ କରାଯାଇଥିଲା। ହେଲେ କୌଣସି କାର୍ଯ୍ୟାନୁଷ୍ଠାନ ନ ନେବାରୁ ଆଜି ଧାରଣାରେ ବସିଥିଲେ ଶିକ୍ଷା ପ୍ରେମୀ। ଆସନ୍ତା ୧୦ ଦିନ ମଧ୍ୟରେ ଏହାର ସମାଧାନ କରାଯିବ ବୋଲି ପରିଚାଳନା କମିଟି ସଭାପତି ଶିବବ୍ରତ ଦାଶ ପ୍ରତିଶ୍ରୁତି ଦେବାପରେ ଧାରଣା ପ୍ରତ୍ୟାହୃତ ହୋଇଥିଲା। ଧାରଣାରେ ଗଣେଷ ଅଗ୍ରୱାଲ, ଚାପ ବଗର୍ତ୍ତି, ଡା ଶଶୀ ଭୂଷଣ ସାହୁ, ଡ଼ା ସରୋଜ ସାହୁ, ପହଲ୍ଲାଦ ସାହୁ, ଶ୍ୟାମ ସୁନ୍ଦର ସାହୁ, ପ୍ରଦ୍ୟୁମ୍ନ ପାଣିଗ୍ରାହୀ, ବସନ୍ତ ଗ୍ରୱାଲ, କାନହୁ ମେହେର, ଶିବ ପଣ୍ଡା ପ୍ରମୁଖ ସାମିଲ ହୋଇଥିଲେ।
Popular Categories
Previous article
Next article