ଗୁରୁଡ଼ିଝାଟିଆ: ମାଧବପୁରସ୍ଥିତ ଅନୁସୂଚିତ ଜାତି ଓ ଜନଜାତି ସରକାରୀ ବାଳିକା ଉଚ୍ଚ ବିଦ୍ୟାଳୟରେ ଅଭିଭାବକ ଜଣେ ସହଭାଗିତା(ପାପ୍) ବୈଠକ ଅନୁଷ୍ଠିତ ହୋଇଛି। ବିଦ୍ୟାଳୟର ପ୍ରଧାନଶିକ୍ଷୟିତ୍ରୀ ସବିତା ଘଡେଇଙ୍କ ଅଧ୍ୟକ୍ଷତାରେ ଆୟୋଜିତ ବୈଠକରେ ଜିଲ୍ଲା ପରିଷଦ ସଦସ୍ୟ ବଳଭଦ୍ର ବାଘ ମୁଖ୍ୟ ଅତିଥି ,ଆଠଗଡ଼ ବିଡିଓ ପ୍ରଦୀପ କୁମାରସାହୁ, ଆଠଗଡ଼ ପଞ୍ଚାୟତ ସମିତି ଉପାଧ୍ୟକ୍ଷ ସୁବାସ ଚନ୍ଦ୍ର ମଲ୍ଲିକ, ସମନ୍ୱିତ ଶିଶୁ ବିକାଶ ଅଧିକାରୀ ନିବେଦିତା ରାୟ, ପ୍ରିୟଙ୍କା ପ୍ରିୟଦର୍ଶିନୀ ସାମଲ, ଏବିଡିଓ ରଣଜିତ୍ ମହାନ୍ତି, ବିଦ୍ୟାଳୟର ପୂର୍ବତନ ଛାତ୍ରୀ ତଥା କଟକ ମହାନଗର ନିଗମର ଡେପୁଟୀ ମେୟର ଦମୟନ୍ତି ମାଝି ପ୍ରମୁଖ ଅତିଥି ଭାବରେ ଯୋଗଦେଇ ପାପ୍ ର ଭୂମିକା ,ଏହା ଦ୍ୱାରା ବିଦ୍ୟାର୍ଥୀ ଓ ଶିକ୍ଷାନୁଷ୍ଠାନର ବିକାଶ ଉପରେ କିଭଳି ଭାବରେ ଉତ୍ତମ ବାତାବରଣ ଆଣିଦେବ ସେ ସଂପର୍କରେ ଆଲୋକପାତ କରିଥିଲେ। ଛାତ୍ରୀମାନେ ନୃତ୍ୟ ଓ ନାଟକ ମାଧ୍ୟମରେ ପାଠପଢ଼ିବାରେ ଗୁରୁତ୍ୱ ,ଅନ୍ଧବିଶ୍ୱାସର ଦୂରିକରଣ ଆଦି ସଂପର୍କରେ ଚିତାକର୍ଷକ ଅଭିନୟ କରି ସଚେତନତାର ବାର୍ତ୍ତା ବାଣ୍ଟିଥିଲେ। ଏହି କାର୍ଯ୍ୟକ୍ରମରେ ଜିଲ୍ଲା ମଙ୍ଗଳ ଅଧିକାରୀ ଡଃ ଗୀତାଂଶୁ ମୋହନ ଦାଶ ,ଓଡ଼ିଶା ଅନୁସୂଚିତ ଜାତି ଓ ଜନଜାତି ଅର୍ଥ ଉନ୍ନୟନ ସମବାୟ ନିଗମ ର ସାଧାରଣ ପରିଚାଳକ ଇତିଶ୍ରୀ ଦାଶ ଓ ଅଭିଭାବକମାନେ ଉପସ୍ଥିତ ରହି ପରସ୍ପର ସହିତ ଆଲୋଚନାରେ ଅଂଶଗ୍ରହଣ କରିଥିଲେ। ବିଦ୍ୟାଳୟର ବରିଷ୍ଠ ଶିକ୍ଷୟତ୍ରୀ ଶ୍ୱେତପଦ୍ମା ମହାନ୍ତିଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ଆଠଗଡ଼ ବ୍ଲକର ବିଭିନ୍ନ ବିଭାଗର ଅଧିକାରୀମାନେ ଯୋଗଦେଇ ସକ୍ରିୟ ଅଂଶଗ୍ରହଣ କରିଥିଲେ।
Popular Categories
Previous article
Next article