ସମ୍ବଲପୁର: ପଶ୍ଚିମ ଓଡ଼ିଶାର କୃଷିଭିତ୍ତିକ ଗଣପର୍ବ ନୁଆଁଖାଇ ଉପଲକ୍ଷେ ସମ୍ବଲପୁରର ଭୋଜନ ପରିବାର ପକ୍ଷରୁ ୧୦୦ ଜଣ ଅସହାୟ ପରିବାରଙ୍କୁ ବିଭିନ୍ନ ସାମଗ୍ରୀ ବଣ୍ଟନ କରାଯାଇଛି। ମହାନଗର ନିଗମ ଅର୍ନ୍ତଗତ ସମ୍ବଲପୁର, ବୁର୍ଲା ଓ ହୀରାକୁଦ ଅଞ୍ଚଳର ବିଭିନ୍ନ ସ୍ଥାନରେ ରହୁଥିବା ଅସହାୟ ପରିବାର ମାନଙ୍କୁ ଡାଲି, ଚାଉଳ, ତେଲ, ଲୁଣ, ହଳଦୀ, ଚିନି, ଜିରା, ସୋରିଷ, ସୁଜି, ବେସନ, ଅଟା, ଆଳୁ, ବାଇଗଣ, ମାଖନ, ଟମାଟୋ ଓ ପୋଟଳ ଆଦି ବଣ୍ଟନ କରାଯାଇଛି। ରାମଦାସ ପଣ୍ଡାଙ୍କ ସଂଯୋଜନାରେ ଆୟୋଜିତ ଏହି ସେବା କାର୍ଯ୍ୟକ୍ରମରେ ମଳୟ ଦାସ, ବିପିନ ପଣ୍ଡା, ରାଜେଶ ସେଠ, ମୁକେଶ ବିଶି, ଚନ୍ଦନ ଦାସ, ଚନ୍ଦ୍ର ପାତ୍ର, ଚୈତନ୍ୟ ନାୟକ, ଅନୀଲ ଦେହୁରୀ, ଲକ୍ଷ୍ମୀ ପ୍ରଧାନ, ମନୋଜ ସାହୁ ଓ ଗୋପାଳ ସାହୁ ପ୍ରମୁଖ ସକ୍ରିୟ ସହାୟତା କରିଥିଲେ।
Popular Categories



