ଗୋପାଳପୁର: ବ୍ରହ୍ମପୁର ବିଶ୍ଵବିଦ୍ୟାଳୟ ପରିସରରେ ଥିବା ଉପ ଡାକଘର ପରିସରରେ ଦୁର୍ବତ୍ତ ମାନେ ତାଲା ଭାଙ୍ଗି ଲୁଟ ଉଦ୍ୟମ କରିଥିବା ଜଣାପଡିଛି। ଦୀର୍ଘ ବର୍ଷ ହେଲା କ୍ୟାମ୍ପସ ପରିସରରେ ସ୍ଥାନୀୟ ଲୋକଙ୍କ ସୁବିଧା ପାଇଁ ଡାକଘର ରହିଥିବା ବେଳେ ଏହି ପରି ଘଟଣା ପ୍ରଥମ ଥର ଘଟିଛି। ସୂଚନା ପ୍ରକାରେ ଗତକାଲି କର୍ମଚାରୀ ମାନେ ଚାବି ପକାଇ ଯାଇଥିବା ବେଳେ ଆଜି ସକାଳେ ପାର୍ସଲ ଗାଡ଼ି ଆସି ସେଠାରେ ପହଞ୍ଚିବା ପରେ ମୁଖ୍ୟ କବାଟ ଖୋଲା ଥିବା ଦେଖି ଦାୟିତ୍ୱରେ ଥିବା ପୋଷ୍ଟ ମାଷ୍ଟରଙ୍କୁ ଖବର ଦେଇଥିଲେ। ଖବର ପାଇଁ ପୋଷ୍ଟ ମାଷ୍ଟର ସେଠାରେ ପହଞ୍ଚି ଦେଖିବା ବେଳେ ମୁଖ୍ୟ ଫାଟକ ଓ ଦ୍ୱିତୀୟ ଫାଟକର ଦୁର୍ବତ୍ତ ମାନେ ତାଲା ଭାଙ୍ଗିଥିବା ସହ କାର୍ଯାଳୟ ପରିସରରେ ଥିବା ଲୁହା ଆଲମାରୀ କବାଟ ଖୋଲାଥିବା ସହ ସମସ୍ତ ଡ୍ର ଖୋଲାଥିବା ଏବଂ ନଥିପତ୍ର ଏଣେ ତେଣେ ପଡ଼ିଥିବା ଦେଖିଥିଲେ। ଏ ନେଇ ଭଞ୍ଜବିହାର ଫାଣ୍ଡିକୁ ଖବର ଦେଇଥିଲେ। ଖବର ପାଇଁ ଫାଣ୍ଡି ଅଧିକାରୀ ଏସ. ଶଙ୍କର ରାଓ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ସହ ବିଶ୍ଵବିଦ୍ୟାଳୟ ପରିସରରେ ଥିବା ସିସି ଟିଭି ଫୁଟେଜ ଯାଞ୍ଚ କରି ଫେରିଛନ୍ତି। ଏ ନେଇ ପୋଷ୍ଟ ମାଷ୍ଟର କୃଷ୍ଣମୂର୍ତ୍ତିଙ୍କ ସହ ଯୋଗାଯୋଗ ଦୁର୍ବତ୍ତ ମାନେ ତାଲା ଭାଙ୍ଗି ଥିବା ବେଳେ କିଛି ଚୋରି ହୋଇନଥିବା କହିଛନ୍ତି।
Popular Categories
Previous article
Next article