ହରଭଙ୍ଗା: ହରଭଙ୍ଗା-ଧଳପୁର ଜଗନ୍ନାଥ ସଡ଼କର ଶୋଚନୀୟ ଅବସ୍ଥା ଯୋଗୁଁ ବୁଲୁରା ଭଉଁରୀ ପଥର ପିଛିଲାରେ ସ୍ପାଇସ ନାମକ ଏକ ଯାତ୍ରୀବାହୀ ବସର ରାସ୍ତାରେ ଫସିଥିବା ଦେଖିବାକୁ ମିଳିଛି। ସୂଚନା ଅନୁସାରେ ଆଜି ଅପରାହ୍ନରେ ଅନୁଗୁଳ ଜିଲ୍ଲା ଆଠମଲିକ ବିନିକାରୁ ଭୁବନେଶ୍ୱର ଅଭିମୁଖେ ଯାଉଥିବା ସ୍ପାଇସି ନାମକ ବସର ପଛ ପାର୍ଶ୍ୱ ମାଟିରେ ଲାଗିଯିବାରୁ ବସଟି ଦୀର୍ଘ ୫ ଘଣ୍ଟା ଧରି ରାସ୍ତାରେ ଫସି ରହିଥିଲା। ଫଳରେ ଗାଡ଼ିରେ ଥିବା ୪୦ ଜଣ ଯାତ୍ରୀ ଜଙ୍ଗଲ ରାସ୍ତାରେ ବହୁସମୟ ଧରି ଅଟକି ରହିଥିଲେ। ଦୀର୍ଘ ୫ ଘଣ୍ଟା ପରେ ସେଠାରୁ ଗାଡିକୁ ଉଦ୍ଧାର ପରେ ବସଟି ଭୁବନେଶ୍ୱର ଅଭିମୁଖେ ଯାତ୍ରା କରିଥିଲା। ସୂଚନା ଥାଉକି ଧଳପୁର ଆଠମଲିକ ମହାନଦୀ ସେତୁ ନିର୍ମାଣ ପରେ ଏହି ରାସ୍ତାରେ ଯାତ୍ରୀ ବାହି ବସ ଚଳାଚଳ ବୃଦ୍ଧି ପାଇଛି। ୧୨ ଫୁଟ ଓସାରର ପ୍ରଧାନମନ୍ତ୍ରୀ ରାସ୍ତାରେ ବଡ଼ ବଡ଼ ବସ ଯାତାୟତ କରୁଥିବା ଅସୁବିଧା ହେଉଛି। ଅନ୍ୟପଟେ ଗାଡି ଚଲାଚଳ ଯୋଗୁ ବର୍ତମାନ ରାସ୍ତାର ଅବସ୍ଥା ଶୋଚନୀୟ ହୋଇପଡିଛି।
Popular Categories
Previous article
Next article