ଫୁଲବାଣୀ: କନ୍ଧମାଳ ଜିଲା ସ୍ୱର୍ଣ୍ଣ ରୌପ୍ୟ ଶିଳ୍ପୀ ମହାସଂଘର ଏକ ବୈଠକ ସ୍ଥାନୀୟ ନାରାୟଣୀ ମନ୍ଦିର ପରିସରରେ ଅନୁଷ୍ଠିତ ହେବା ସହିତ ନୂତନ କର୍ମକର୍ତ୍ତା ନିର୍ବାଚିତ ହୋଇ ଯାଇଛି। ଏଥିରେ ସଭାପତି ଭାବେ ପ୍ରଶାନ୍ତ କୁମାର ମହାପାତ୍ର ନିର୍ବାଚିତ ହୋଇଥିବା ବେଳେ ସଂପାଦକ ଭାବେ ମାନସ କୁମାର ପଷ୍ଟି ନିର୍ବାଚିତ ହୋଇଛନ୍ତି। ଫୁଲବାଣୀ ସ୍ୱର୍ଣ୍ଣ ରୌପ୍ୟ କାରିଗର ସଂଘ ପକ୍ଷରୁ ଆୟୋଜିତ ଏହି ବୈଠକରେ ବିଶେଷ କରି ଆସିବାକୁ ଥିବା ବିଶ୍ୱକର୍ମୀ ଯୋଜନା ଉପରେ ଆଲୋଚନା କରାଯିବା ସହିତ କାରିଗଣ ପ୍ରମାଣପତ୍ର ପ୍ରଦାନ ଉପରେ ଆଲୋଚନା କରାଯାଇଥିଲା। ଅନୁଷ୍ଠିତ ଏହି ବୈଠକରେ ଫୁଲବାଣୀ, ଖଜୁରିପଡ଼ା, ଉଦୟଗିରି, ପାବୁରିଆ, ଫିରିଙ୍ଗିଆ, ଟିକାବାଲି, ଚକାପାଦ, ଗୋଛାପଡ଼ା, ଶଙ୍କରାଖୋଲ, ସିମନବାଡ଼ି, ଦାରିଙ୍ଗବାଡ଼ି, ରାଇକିଆ, ବ୍ରାହ୍ମଣପାଦ, ବାଲିଗୁଡ଼ା, କଇଁଝର ଓ ସାରଙ୍ଗଡ଼ ଆଦି ଅଞ୍ଚଳର ଶୀଳ୍ପୀ ମାନେ ଯୋଗ ଦେଇଥିଲେ। କାର୍ଯ୍ୟକ୍ରମ ପରିଚାଳନାରେ ମନୋଜ କୁମାର ମହାପାତ୍ର, ବିରଞ୍ଚି ମହାରଣା, ଦିଲ୍ପୀପ ପୃଷ୍ଟି, ବାସୁଦେବ ଆଚାରୀ, ବିଧ୍ୟାଧର ସୁବୁଦ୍ଧି ଓ ଅନ୍ୟମାନେ ସହଯୋଗ କରିଥିଲେ।
Comments are closed.