ଫୁଲବାଣୀ: ସ୍ଥାନୀୟ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟରେ ନୂତନ ଭାବେ ଯୋଗଦେଇଥିବା ଏକାଦଶ ଶ୍ରେଣୀର ଛାତ୍ରଛାତ୍ରୀ ମାନଙ୍କ ପାଇଁ ଏକ ଇଣ୍ଡକସନ୍ କମ୍ ସଚେତନତା କାର୍ଯ୍ୟକ୍ରମ ଅଧ୍ୟକ୍ଷ ଡ଼.ଜ୍ୟୋତି ପ୍ରକାଶ ରଥଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଅନୁଷ୍ଠିତ ହୋଇଯାଇଛି। ଏଥିରେ ଅଧ୍ୟାପିକା ସୁବ୍ରତ ରତନ ବେହେରା, ସୁଜିତ୍ କୁମାର ପଣ୍ଡା, ଅଧ୍ୟାପିକା ଶ୍ରୀମତି ବିଷ୍ଣୁପ୍ରିୟା ମଲିକ ଓ ଅନ୍ୟ ଅଧ୍ୟାପକ ଏବଂ ଅଧ୍ୟାପିକାମାନେ ଯୋଗ ଦେଇ ଛାତ୍ରଛାତ୍ରୀ ମାନଙ୍କର ନୈତିକ, ମାନସିକ ଦକ୍ଷତା ଏବଂ ମୂଲ୍ୟବୋଧକୁ ବିକାଶ କରିବା ପାଇଁ ବିଭିନ୍ନ ହିତ ଉପଦେଶ ପ୍ରଦାନ କରିଥିଲେ। ସେହିଭଳି ବିଦ୍ୟାଳୟରେ ଶୃଙ୍ଖଳିତ ଉପରେ ଅଧିକ ଗୁରୁତ୍ୱ ଦିଆଯିବା ସହିତ ପାଠ ସହିତ ଖେଳ, କୁଦ, ନୃତ୍ୟ, ବିଭିନ୍ନ ପ୍ରକାର ତାଲିମ୍, ଶ୍ରେଣୀ ଗୃହରେ ଠିକ୍ ଭାବେ ବସିବା, ଅଧ୍ୟାପକ ଓ ଅଧ୍ୟାପିକା ମାନଙ୍କର ଶିକ୍ଷାକୁ ଠିକ୍ ଭାବେ ଗ୍ରହଣ କରିବା ଭଳି ଅନ୍ୟାନ୍ୟ ଦିଗ ଉପରେ ଛାତ୍ରଛାତ୍ରୀ ମାନେ ଯେଭଳି ଭାବେ ଦୃଷ୍ଟିଦେବେ ସେ ଉପରେ ମଧ୍ୟ ପରାମର୍ଶ ଦିଆଯାଇଥିଲା।
Comments are closed.