ପାଟଣା: କେନ୍ଦୁଝର ଜିଲ୍ଲା ପାଟଣା ବନ ବିଭାଗ ସୁଲଭ ମୂଲ୍ୟରେ ଚାରା ବଣ୍ଟନ କାର୍ଯ୍ୟକ୍ରମ ଉଦଘାଟିତ ହୋଇଯାଇଛି। ଚାରା ବିକ୍ରୟ କାର୍ଯ୍ୟକ୍ରମକୁ ପାଟଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ସ୍ତ୍ରୀ ରୋଗ ବିଶେଷଜ୍ଞ ଡଃ ଭାଗ୍ୟଶ୍ରୀ ପରିଡା ଉଦଘାଟନ କରିଛନ୍ତି। ଏହି କାର୍ଯ୍ୟକ୍ରମରେ ପାଟଣା ଉପବନାଞ୍ଚଳ ଅଧିକାରୀ ଅମୂଲ୍ୟ କୁମାର ସେନାପତି, ପାଟଣା ବନପାଳ ପିଅନ ନାଏକ, ବନ ବିଭାଗର ସୁରେନ୍ଦ୍ର କୁମାର ପାତ୍ର ପ୍ରମୁଖ ଚାରା ବୃକ୍ଷ ବଣ୍ଟନ କାର୍ଯ୍ୟକ୍ରମରେ ଉପସ୍ଥିତ ରହି ପାଟଣା ବନାଞ୍ଚଳବାସୀକୁ ଆଧାର କାର୍ଡ ଦେଖାଇ ୧ଟଙ୍କାରେ ଗୋଟିଏ ଚାରା ଯୋଗାଇ ଦିଆଯାଇଛି। ଏହି ଚାରା ବଣ୍ଟନ କାର୍ଯ୍ୟକ୍ରମ ସାତ ଦିନ ଧରି ଚାଲୁ ରହିବ ବୋଲି ବନପାଳ ଶ୍ରୀ ନାଏକ ଏଠାରେ ପ୍ରକାଶ କରିଛନ୍ତି। ଅଁଳା, ଅମୃତଭଣ୍ଡା, ପିଜୁଳି, ଡାଳିମ୍ବ, ଆମ୍ବ, ଲେମ୍ବୁ, ଆତ, ବଉଳ, ସଜନା, କାଜୁ, ବେଲ, ପଣସ, ଚମ୍ପା, ହରିଡା, ବାହାଡା, ଶାଳ, ପିଆଶାଳ, ଶିଶୁ ଓ ଶାଗୁଆନ ଆଦି ୨୩ ପ୍ରକାର ଚାରା ଜନସାଧାରଣଙ୍କୁ ଗୋଟି ପ୍ରତି ୧ ଟଙ୍କାରେ ଯୋଗାଇ ଦିଆଯାଉଛି।
Comments are closed.