ଗୁରୁଡ଼ିଝାଟିଆ: ବାଲେଶ୍ୱରର ବାହାନଗା ଠାରେ ମର୍ମନ୍ତୁଦ ରେଳ ଦୁର୍ଘଟଣାରେ ପ୍ରାଣ ହରାଇଥିବା ମୃତକଙ୍କ ସଦଗତି ନିମନ୍ତେ କଖଡି ପ୍ରିନ୍ସ କ୍ଲବ ପକ୍ଷରୁ ମହମବତୀ ଶୋଭାଯାତ୍ରା କରାଯାଇଛି। ଗତ ସନ୍ଧ୍ୟାରେ କ୍ଲବର ଉପଦେଷ୍ଟା ତଥା ଗାଁ ସଭାପତି ଦିଲ୍ଲିପ କୁମାର ଛତାରଙ୍କ ନେତୃତ୍ୱରେ ଓମ୍ ପ୍ରକାଶ ମୁଦୁଲି, ସୌଭାଗ୍ୟ ମହାନ୍ତି, ଶ୍ୟାମସୁନ୍ଦର ସାହୁ, ରଞ୍ଜନ ମୁଦୁଲି, ଅଜିତ୍ କୁମାର ବାରିକଙ୍କ ସହିତ ଶତାଧିକ ସଦସ୍ୟ, ଗାଁର ଯୁବକ ସମବେତ ହୋଇ ହାତରେ ପ୍ରଜ୍ୱଳିତ ମହମବତୀ ହାତରେ ଧରି ଆତ୍ମାର ସଦଗତି ନିମନ୍ତେ ଶୋଭାଯାତ୍ରା କରିବା ସହିତ ସେମାନଙ୍କ ପାଇଁ ନୀରବ ପ୍ରାର୍ଥନା କରିଥିଲେ। ଏହି ରେଳ ଦୁର୍ଘଟଣାରେ ସଂପୃକ୍ତ ଥିବା କର୍ମଚାରୀଙ୍କ ବିରୋଧରେ କଠୋର ରୁ କଠୋର ଦଣ୍ଡ ଦେବା ନିମନ୍ତେ ଦାବି କରିଥିଲେ।
Comments are closed.