ଆଜି ମଧ୍ୟରାତ୍ରରୁ ପୃଥିବୀ ପୃଷ୍ଠରେ ଇଂରାଜୀ ନୂଆବର୍ଷକୁ ସ୍ବାଗତ କରିବା ଲାଗି ଜୋର୍ଦାର ପ୍ରସ୍ତୁତି ଆରମ୍ଭ ହୋଇଯାଇଛି। ତେବେ ନୂଆବର୍ଷ ପାଳନର ଇତିହାସ ସମ୍ପର୍କରେ କିଛି ରୋଚକ ତଥ୍ୟ ଜାଣନ୍ତି କି? ଇତିହାସ ତଥା ବର୍ତ୍ତମାନର ତଥ୍ୟ ଅନୁସାରେ-
- ପ୍ରଥମେ ପ୍ରାଚୀନ ମେସୋପଟାମିଆର ଏକ ସହର ବେବିଲୋନ୍ଠାରେ ନୂଆବର୍ଷ ପାଳନ ଆରମ୍ଭ ହୋଇଥିଲା। ସେତେବେଳେ ପୂରା ୧୧ଦିନ କାଳ ନୂଆବର୍ଷ ଉତ୍ସବ ପାଳନ କରାଯାଉଥିଲା।
- ଜୁଲିଅନ୍ କ୍ୟାଲେଣ୍ଡର ଲାଗୁହେବା ପରେ ପ୍ରଥମ ଥର ଜାନୁଆରୀ ପହିଲାରେ ନୂଆବର୍ଷ ପାଳନ କରାଯାଇଥିଲା।
- ଜାନୁଆରୀ ପହିଲାକୁ ଔପଚାରିକ ନୂଆବର୍ଷ ଭାବେ ରୋମାନ୍ ସିନେଟ୍ ଘୋଷଣା କରିଥିଲା।
- ଇଂରାଜୀ ନୂଆବର୍ଷକୁ ଧୁମ୍ଧାମରେ ସ୍ବାଗତ କରିବା କ୍ଷେତ୍ରରେ ସିଡ୍ନୀ ସହ ଲାସ୍ଭେଗାସ, ଡିଜ୍ନୀ ୱାର୍ଲଡ ଓ ନ୍ୟୁୟର୍କ ସହର ପ୍ରସିଦ୍ଧ।
- ଚୀନ୍ରେ ପ୍ରତିବର୍ଷ ନୂଆବର୍ଷ ପାଳନର ତାରିଖ ଭିନ୍ନ ଭିନ୍ନ ହୋଇଥାଏ। ୨୦୨୩ ମସିହାରେ ଏଠାରେ ଜାନୁଆରୀ ୨୨ତାରିଖ ଦିନ ନୂଆବର୍ଷ ପାଳନ କରାଯାଇଥିଲା।
- ଭାରତର ବିଭିନ୍ନ ରାଜ୍ୟରେ ଏବଂ ଭିନ୍ନ ଭିନ୍ନ ସଂସ୍କୃତିରେ ବିଭିନ୍ନ ତିଥି ଓ ତାରିଖକୁ ନେଇ ନୂଆବର୍ଷ ପାଳନର ପରମ୍ପରା ରହିଛି। ଓଡ଼ିଶା ସମେତ କେତେକ ରାଜ୍ୟରେ ଏପ୍ରିଲ ୧୩ ବା ୧୪ତାରିଖରେ ନୂଆବର୍ଷ ପାଳନ କରିଥାନ୍ତି।
- ନୂଆବର୍ଷ ପାଇଁ ବୁର୍ଜ ଖଲିଫାର ଆତସବାଜି ବିଶ୍ବର ପ୍ରମୁଖ ବ୍ୟୟବହୁଳ ଆତସବାଜି ଭାବେ ପରିଚିତ।
Comments are closed.