ଭୁବନେଶ୍ବର : କମ୍ ଦାମରେ ଅନେକ ଫିଚର୍ ପାଇଁ ଖୁବ୍ କମ୍ ସମୟରେ ଲୋକପ୍ରିୟ ହୋଇପାରିଛି ଏମଜି୪ ଇଲେକ୍ଟ୍ରିକ୍ କାର୍ । ଏହା ଚୀନ୍, ୟୁରୋପ, ଅଷ୍ଟ୍ରେଲିଆ ଓ ଅନେକ ଦେଶରେ ଉପଲବ୍ଧ ହୋଇଛି । ପ୍ରଥମ ଜେନେରେସନର ଏମଜି୪ ଇଭର ଲଞ୍ଚର ପ୍ରାୟ ୩ ବର୍ଷ ପରେ ଦ୍ବିତୀୟ ଜେନେରେସନ ମଡେଲ ଚୀନରେ ଅଟୋ ଶୋରେ ଲଞ୍ଚ୍ କରାଯାଇଛି । ଏହା ସମୁଦାୟ ୫ ଭାରିଆଣ୍ଟ ସହିତ ବଜାରକୁ ଆସୁଛି । ଏହାର ପ୍ରାରମ୍ଭିକ ଦାମ୍ ମାତ୍ର ସାଢେ ୮ ଲକ୍ଷ ଟଙ୍କା ଥିବାବେଳେ ଏଥିରେ ଅନେକ ଫିଚର୍ ଦେଉଛି କମ୍ପାନୀ ।
ନୂଆ ଜେନେରେସନର ଏମଜି୪ ଇଭି ପୂର୍ବ ଅପେକ୍ଷା ସାମାନ୍ୟ ବଡ ନଜର ଆସୁଛି । ଏବେ ଏହା ୪୩୯୫ ଏମଏମ ଲମ୍ବ, ୧୮୪୨ ଏମଏମ ପ୍ରସ୍ଥ, ୧୫୫୧ ଏମଏମ ଉଚ୍ଚ ଏବଂ ଏହାର ହ୍ବିଲବେସ୍ ୨୭୫୦ ଏମଏମ୍ ରହିଛି । ଏଥିରେ ଏଲଇଡି ଷ୍ଟ୍ରିପ୍ ସହିତ ଏଲଇଡି ଟେଲ୍ ଲାଇଟ୍ସ, ରୁଫ୍ ସ୍ପଏଲର ଆଦି ନଜର ଆସୁଛି ।
ଏଥିରେ ୭୦ କିଲୋଓ୍ବାଟ ବ୍ୟାଟେରୀ ରହିପାରେ ଯାହା ୫୩୭ କିଲୋମିଟର ରେଞ୍ଜ୍ ପ୍ରଦାନ କରିବ । ଏହା ପ୍ରାୟ ୨୦ ମିନିଟରେ ୩୦ରୁ ୮୦ ପ୍ରତିଶତ ପର୍ଯ୍ଯନ୍ତ ଚାର୍ଜ ହୋଇପାରେ । ଗାଡିରେ ୧୫.୬ ଇଞ୍ଚର ଟଚସ୍କ୍ରିନ୍ ଇନଫୋଟେଣ୍ଟମେଣ୍ଟ ଏବଂ ୨୦.୨୫ ଇଞ୍ଚର ଡିଜିଟାଲ୍ ଇନଷ୍ଟ୍ରୁମେଣ୍ଟ ଡିସପ୍ଲେ ସାମିଲ । କାରର୍ ୩୬୦ ଡିଗ୍ରୀ କ୍ୟାମେରା ପ୍ରଦାନ କରିବ କମ୍ପାନୀ । ଏଥିରେ ସମୁଦାୟ ୧୨ଟି ସେନ୍ସର ମିଳିବ ।
