ନୂଆଦି୍ଲ୍ଲୀ: ସୁପ୍ରିମକୋର୍ଟ ନିଟ୍ (ଏନ୍ଇଇଟି) ଓ ଜେଇଇ ମେନ୍ ପରୀକ୍ଷା ବନ୍ଦ କରାଯିବା ନିମନ୍ତେ ହୋଇଥିବା ଏକ ଆବେଦନକୁ ଖାରଜ କରି ଦେଇଛନ୍ତି । ସୁପ୍ରିମକୋର୍ଟ କହିଛନ୍ତି ଯେ ପରୀକ୍ଷା ଧାର୍ଯ୍ୟ ସମୟରେ କରାଯିବ ଓ ସବୁ କିଛି ବନ୍ଦ କରାଯାଇ ପାରିବ ନାହିଁ ।
ସୂଚନାଯୋଗ୍ୟ ଯେ ଏହି ଦୁଇ ଜାତୀୟ ପ୍ରବେଶିକା ପରୀକ୍ଷାକୁ ରୋକିବା ନିମନ୍ତେ ସୁପ୍ରିମକୋର୍ଟରେ ଆବେଦନ ହୋଇଥିଲା । ଏଥିରେ କରୋନା ସଂକ୍ରମଣକୁ ଦୃଷ୍ଟିରେ ରଖି ପରୀକ୍ଷା ବନ୍ଦ କରିବାକୁ ଅନୁରୋଧ କରାଯାଇଥିଲା । ବର୍ତମାନ ସମୟ ପରୀକ୍ଷା ନିମନ୍ତେ ଉପଯୁକ୍ତ ନୁହେଁ ବୋଲି ଦର୍ଶାଯାଇ ପରୀକ୍ଷା ନ କରିବାକୁ ସୁପ୍ରିମକୋର୍ଟ ନିର୍ଦେଶ ଦେବାକୁ ଏଥିରେ ଉଲ୍ଲେଖ କରାଯାଇଥିଲା । ଗୁଜରାଟ ପ୍ୟାରେଣ୍ଟସ ଆସୋସିଏସନ ପକ୍ଷରୁ ହୋଇଥିବା ଆବଦେନରେ ଦର୍ଶାଯାଇଥିଲା ଯେ ଚଳିତ ଶିକ୍ଷାବର୍ଷ ଏକପ୍ରକାର ନଷ୍ଟ ହୋଇ ଯାଇଛି । ୧୧ଟି ରାଜ୍ୟରେ କୋଭିଡ଼ ୧୯ ସଂକ୍ରମଣ ଅତି ତୀବ୍ର ଗତିରେ ବୃଦ୍ଧି ପାଇଛି ।
ମାତ୍ର ସୁପ୍ରିମକୋର୍ଟ ଏହାକୁ ଖାରଜ କରିବା ସହ କହିଛନ୍ତି ଯେ ସବୁ କିଛିକୁ ନେଇ ଆଗକୁ ବଢ଼ିବାକୁ ପଡ଼ିବ ଓ କରୋନା ଯୋଗୁଁ ସବୁ କିଛି ବନ୍ଦ କରାଯାଇ ପାରିବ ନାହିଁ । ପରୀକ୍ଷା ଧାର୍ଯ୍ୟ ସମୟରେ କରାଯିବାକୁ ସୁପ୍ରିମକୋର୍ଟ କହିଛନ୍ତି ।
