ଭୁବନେଶ୍ୱର: ବିଏମପିଏସ୍ ତକ୍ଷଶିଳା ସ୍କୁଲରେ ସ୍ୱାଧୀନତା ଦିବସ ପାଳିତ ହୋଇଯାଇଛି। ଜାତୀୟ ପତାକା ଉତ୍ତୋଳନ ପରେ ଜାତୀୟ ସଂଗୀତ ଗାନ କରାଯାଇଥିଲା। ଏହି ଅବସରରେ ବିଦ୍ୟାଳୟର ଅଧ୍ୟକ୍ଷ ଟୁଟୁଲ କିଶୋର ଦାସ, ନିର୍ଦ୍ଦେଶକ ସିକତା ଦାସ, ଏବଂ ପ୍ରିନ୍ସିପାଲ ଲିପ୍ସିତା ମହାନ୍ତିଙ୍କୁ ଛାତ୍ରଛାତ୍ରୀମାନେ ସ୍ୱାଗତ କରିଥିଲେ। ଅଭିଭାବକମାନଙ୍କ ନିରନ୍ତର ସମର୍ଥନ ଏବଂ ବିଦ୍ୟାଳୟ ତଥା ଏହାର ପରିଚାଳନା ଉପରେ ଆଲୋକପାତ ସହ ଅଧ୍ୟକ୍ଷ ଟୁଟୁଲ କିଶୋର ଦାସ ଧନ୍ୟବାଦ ଅର୍ପଣ କରିଥିଲେ। ପ୍ରତ୍ୟେକ ନାଗରିକଙ୍କ ଜୀବନରେ ସ୍ୱାଧୀନତା ଦିବସର ଏକ ମହତ୍ୱ ରହିଛି। ଏହି ଦିନ ଆମକୁ ପ୍ରତିବର୍ଷ ସ୍ମରଣ କରାଏ ଯେ ସ୍ୱାଧୀତନା ଦିବସ ପବିତ୍ର ଏବଂ ପ୍ରତ୍ୟେକ ନାଗରିକମାନେ ଏହାକୁ ଗର୍ବର ସହ ପାଳନ କରିବା ଉଚିତ୍ ବୋଲି ପ୍ରକାଶ କରିଥିଲେ।
ମଡେଲ୍ ପବ୍ଳିକ ସ୍କୁଲ୍ ଏହାର ବାର୍ଷିକ ପ୍ରଦର୍ଶନୀ “ଆବିଷ୍କାର ୨୦୨୪”କୁ ଏହି ଅବସରରେ ଉଦଘାଟିତ ହୋଇଥିଲା। ଏହି ଇଭେଣ୍ଟରେ ବିଭିନ୍ନ ସାମାଜିକ ବିଜ୍ଞାନ ଏବଂ ବିଜ୍ଞାନ ଉପରେ ଆଧାରିତ ପ୍ରତିଭା ଏବଂ ଅଭିନୟର ଏକ ଉଲ୍ଲେଖନୀୟ ପ୍ରଦର୍ଶନ ପ୍ରଦର୍ଶିତ ହୋଇଥିଲା। ମୁଖ୍ୟ ଅତିଥି ଭାବରେ ପୂର୍ବତନ ବରିଷ୍ଠ ପ୍ରଶାସକ ଅରବିନ୍ଦ ବେହେରା, ସମ୍ମାନିତ ଅତିଥି ଭାବେ ବୈଜ୍ଞାନିକ ଡଃ ତୃପ୍ତି ଦାସ୍ ଯୋଗ ଦେଇଥିଲେ। ଏହି ସମାବେଶରେ ଛାତ୍ର, ଶିକ୍ଷକ, ବିଦ୍ୟାଳୟର କର୍ମଚାରୀ ଓ ଅନେକ ଶୁଭେଚ୍ଛୁ ଉପସ୍ଥିତ ଥିଲେ।
Comments are closed.