ବିଜୁ ଯୁବ ସମାବେଶ ; ୩୫ଟି ପ୍ରକଳ୍ପର ଉଦଘାଟନ କଲେ ମୁଖ୍ୟମନ୍ତ୍ରୀ
କଟକ : କଟକ ବାଲିଯାତ୍ର ପଡିଆରେ ଆୟୋଜିତ ବିଜୁ ଯୁବ ବାହିନୀ ସମାବେଶରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୩୫ଟି ପ୍ରକଳ୍ପର ଉଦଘାଟନ କରିଛନ୍ତି। ଏହି ପ୍ରକଳ୍ପ ପାଇଁ ୨୭୦ କୋଟି ଟଙ୍କା ବିନିଯୋଗ କରାଯାଇଛି। ଏହି କାର୍ଯ୍ୟକ୍ରମରେ ନବୀନ ୫୨୬ କୋଟି ଟଙ୍କା ବିନିଯୋଗରେ ନିର୍ମାଣ ହେବାକୁ ଥିବା ୨୨ଟି ପ୍ରକଳ୍ପ ପାଇଁ ଭିତ୍ତିପ୍ରସ୍ଥର ସ୍ଥାପନ କରିଛନ୍ତି।
ଏହି ସମାବେଶରେ ମୁଖ୍ୟମନ୍ତ୍ର ବସୁଧା ଯୋଜନା ଅନ୍ତର୍ଗତ ଟାଙ୍ଗୀ ଚୌଦାର ବ୍ଲକର କୁଜିବର ଠାରେ ନିର୍ମିତ ପାଇପ ଜଳଯୋଗାଣ ପ୍ରକଳ୍ପ, ସାଲେପୁର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ୩୦ ଶଯ୍ୟା ବିଶିଷ୍ଟ ମା ଓ ଶିଶୁ ସ୍ୱାସ୍ଥ୍ୟ କେନ୍ଦ୍ର ଟାଙ୍ଗୀ-ଚୌଦ୍ୱାର ଓ ସାଲେପୁର ବ୍ଲକର ୩ଟି ସଡକ ପ୍ରକଳ୍ପ, ନିଶ୍ଚିତକୋଇଲି ଓ କଟକ ସଦର ବ୍ଲକରେ ୨ଟି ସଡକ ନିର୍ମାଣ ପ୍ରକଳ୍ପ, କଟକ ମହାନଗର ନିଗମର ପାନୀୟ ଜଳଯୋଗାଣ ପ୍ରକଳ୍ପ ଭଳି ବିଭିନ୍ନ ପ୍ରକଳ୍ପକୁ ଉଦଘାଟନ କରିଛନ୍ତି।
