ନର୍ଲା: ଗତ ଶୁକ୍ରବାର ଦିନ ସକାଳୁ କଳାହାଣ୍ଡି ଜିଲ୍ଲା ଉତ୍ତର ବନଖଣ୍ଡ ନର୍ଲା ରେଞ୍ଜ ଅନ୍ତର୍ଗତ ରେଗଡି ମାଲ୍ ନିକଟସ୍ଥ ଜଙ୍ଗଲ ପାର୍ଶ୍ଵରେ ଏକ ମାଇ ହାତୀ ମରି ପଡ଼ିଥିବା ଦେଖିବାକୁ ମିଳିଥିଲା ।ପାରିପାର୍ଶ୍ବିକ ଅବସ୍ଥିତିକୁ କୁ ଦେଖି ହାତୀ ଟି ବିଦ୍ୟୁତ୍ ଆଘାତ କାରଣ ରୁ ମରି ଥିବା ଜଣା ପଡୁ ଥିଲେ ମଧ୍ୟ ବନ ବିଭାଗ ମୂଳ କଥା କୁ ସାର୍ବଜନୀନ ନ କରିବା କି ଗଣ ମାଧ୍ୟମ ରେ ପ୍ରକାଶ ନ କରିବା ସାଧାରଣ ରେ ସନ୍ଦେହ ଜାତ ହେଉଛି ।
ଅନ୍ୟପଟେ କ୍ଷୀର ଖାଉଥିବା ଏକ ହାତୀଛୁଆ ମାଁ କୁ ଖୋଜି ଖୋଜି ଉକ୍ତ ଅଞ୍ଚଳ ରେ ବୁଲୁ ଥିବା ଦେଖିବାକୁ ମିଳିଥିଲା । ବନ ବିଭାଗ ର ଟିମ୍ ଦିନ ରାତି ଅନିଦ୍ରା ରହି କି ମଧ୍ୟ ସେହି ଛୁଆ ହାତୀ ର ଗତି ବିଧି ଲକ୍ଷ୍ୟ କରୁ ଥିଲେ। ହେଲେ ଏହି ହାତୀ ଶାବକଟି ଗତ ଦିନରେ ମରିଥିବା ମାଈ ହାତୀର ଛୁଆ ନୁହେଁ ବୋଲି ବନ ବିଭାଗର କହୁଥିବା ଚର୍ଚ୍ଚା ହେଉଥିବା ବେଳେ ପ୍ରକୃତରେ ଏହି ଶାବକର ମାଁ ମୃତ ନା ଜିବୀତ ତାହା ବନ ବିଭାଗ ସ୍ପଷ୍ଟ କରିବା ଉଚିତ୍। ହାତୀ ବିଷୟକୁ ନେଇ ବନ ବିଭାଗ ବିଭିନ୍ନ ସମୟରେ ଲୁଚାଛପା କରୁଥିବା ଜଣାଯାଏ।
ଏପରିକି ବିଗତ ଦିନରେ ମରିଥିବା ମାଈ ହାତୀର ମୃତ୍ୟୁ ର କାରଣ ଏଯାଏଁ ବନ ବିଭାଗ ସ୍ପଷ୍ଟ କରିପାରିନାହିଁ । କେବଳ ସନ୍ଦେହ କରୁଛି । ଏହି ହାତୀ ଶାବକଟି କିପରି ଅବସ୍ଥାରେ ମାଁ ଠାରୁ ଅଲଗା ହେଲା ତାହା ବନ ବିଭାଗକୁ ଅଜଣା । ଆଜି ସକାଳୁ ବନ ବିଭାଗ ର ଏକ ସ୍ବତନ୍ତ୍ର ଟିମ୍ ଭୁବନେଶ୍ଵର ରୁ ଆସି ଡ୍ରୋନ୍ କ୍ୟାମେରା ମାଧ୍ୟମ ରେ ଛୁଆ ହାତୀ ର ଗତି ବିଧି ଲକ୍ଷ୍ୟ କରୁ ଥିଲେ ।ଶେଷରେ ଆଜି ଦିନ ୩ ଟା ସମୟରେ ନିକଟସ୍ଥ ଗାଡିଆ ଜୋର୍ କ୍ଷୁଦ୍ର ଜଳସେଚନ ନିକଟରେ ଟ୍ରାଙ୍କୁଲାଇଜ୍ କରି ହାତୀ ଟି କୁ ଧରି ବାରେ ସଫଳ ହୋଇଛନ୍ତି। ଉକ୍ତ ହାତୀ ଶାବକ କୁ ଛିପୂଲ୍ ଜଙ୍ଗଲ ରେ ଥିବା ନର୍ସରୀ ରେ କଡା ସୁରକ୍ଷା ଭିତରେ ରଖାଯାଇଛି। ହାତୀ ଶାବକଟିର ଚିକିତ୍ସା ଚାଲିଛି, ସମ୍ପୂର୍ଣ୍ଣ ସୁସ୍ଥ ହେଲା ପରେ ତାକୁ ନନ୍ଦନ କାନନ ନିଆଯିବ ବୋଲି ବନ ବିଭାଗ ପକ୍ଷରୁ ସୂଚନା ମିଳିଛି
