ନନ୍ଦ ଉତ୍ସବ ଓ ମାତୃ ସମ୍ମିଳନୀ

ପାତ୍ରପୁର : ପାତ୍ରପୁର ବ୍ଲକ୍ ତଣ୍ଡିପୁର ସ୍ୱାମୀ ନିଗମାନନ୍ଦ ବିଦ୍ୟା ମନ୍ଦିର ଓ ପାତ୍ରପୁର ମା ସରସ୍ଵତୀ ବିଦ୍ୟା ମନ୍ଦିର ଠାରେ ନନ୍ଦ ଉତ୍ସବ ଓ ମାତୃ ସମ୍ମିଳନୀ ଅନୁଷ୍ଠିତ ହୋଇଯାଇଛି। ନିଗମାନନ୍ଦ ବିଦ୍ୟା ମନ୍ଦିର ଠାରେ ଡ. ପଦ୍ମାନାଭ ସାହୁଙ୍କ ସଭାପତିତ୍ୱରେ  ଅନୁଷ୍ଠିତ ଉତ୍ସବରେ ମୁଖ୍ୟ ଅତିଥି ଭାବେ ପାତ୍ରପୁର ଗୋଷ୍ଠୀ ଶିକ୍ଷା ଅଧିକାରୀ, ସ୍ୱରୁପ ନନ୍ଦ ମହାନ୍ତି ମୁଖ୍ୟବକ୍ତା ଭାବେ ପ୍ରତିଭା ମହାରଥି, ଅଧ୍ୟକ୍ଷ ଗମ୍ଭୀରାନନ୍ଦ ସରସ୍ୱତୀ, ବ୍ରହ୍ମାନନ୍ଦ ସରସ୍ୱତୀ, ସମ୍ପାଦକ ରାଘବ ସୁନ୍ଦର ପଣ୍ଡା ଓ ପ୍ରଧାନ ଆଚାର୍ଯ୍ୟ ଅରୁଣ କୁମାର ପଣ୍ଡା ପ୍ରମୁଖ ମଞ୍ଚାସୀନ  ଥିଲେ।  ନିରଞ୍ଜନ ପାଣିଗ୍ରାହୀ ଝୁଲଣ ନାଚ ପରିବେଷଣ କରିଥିଲେ । ମାତୃ ପ୍ରତିଭା ପ୍ରତିଯୋଗିତାରେ ମାଆ ମାନଙ୍କୁ ପୁରଷ୍କୃତ କରାଯାଇଥିଲା । ଛାତ୍ରଛାତ୍ରୀ ମାନଙ୍କ ଦ୍ୱାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।

ସେହିଭଳି ପାତ୍ରପୁର ସ୍ୱାମୀ ଶ୍ରୀ ନିଗମାନନ୍ଦ ଆଶ୍ରମରୋଡ ସ୍ଥିତ ମା ସରସ୍ୱତୀ ଶିଶୁ ବିଦ୍ୟା ମନ୍ଦିର ଠାରେ  ନନ୍ଦ ଉତ୍ସବ ଅନୁଷ୍ଠିତ ହୋଇଯାଇଛି । ବିଜୟ କୁମାର ପଟ୍ଟନାୟକଙ୍କ ସଭାପତିତ୍ୱରେ ଏହି ଉତ୍ସବ ଅନୁଷ୍ଠିତ ହୋଇଥିବା ବେଳେ ମୁଖ୍ୟ ଅତିଥି ଭାବେ ଅଖିଳ ଭାରତୀୟ ସନ୍ଥ ସମାଜ ଓ ଧର୍ମ ସମାଜ ଅଧ୍ୟକ୍ଷ ଡ. ଅଶୋକ କୁମାର ପାଢୀ, ମୁଖ୍ୟବକ୍ତା ଭାବେ ଅଖିଳ ଭାରତୀୟ ସନ୍ଥ ସମାଜ ଆନ୍ଧ୍ର ପ୍ରଦେଶ ମୁଖ୍ୟ ଆନନ୍ଦ ଆଚାରୀ, ଶିକ୍ଷାବିତ୍ ସୁରେଶ ପଣ୍ଡା, ନର୍ମଦା ପାଠି ଓ ପ୍ରଧାନ ଗୁରୁମା ଅର୍ଚ୍ଚନା ମହାନ୍ତି ପ୍ରମୁଖ ମଞ୍ଚାସୀନ  ଥିଲେ। ଛୋଟ ଛୋଟ ଶିଶୁ ମାନେ ଶ୍ରୀକୃଷ୍ଣ ଓ ରାଧାରାଣୀ ବେଶରେ ସଜ୍ଜିତ ହୋଇ ନଗର ପରିକ୍ରମା କରିଥିଲେ । ଉଭୟ କାର୍ଯ୍ୟକ୍ରମରେ ବିଦ୍ୟାମନ୍ଦିରର ସମସ୍ତ ଗୁରୁମା, ଅଭିଭାବକ ଓ ଛାତ୍ରଛାତ୍ରୀ ମାନେ ଉପସ୍ଥିତ ଥିଲେ ।