ସମାଜ ଡିଜିଟାଲ ଡେସ୍କ: ଦକ୍ଷିଣ ଭାରତୀୟ ଅଭିନେତ୍ରୀ ସାମନ୍ଥା ରୁଥପ୍ରଭୁଙ୍କ ପୂର୍ବତନ ସ୍ଵାମୀ ତଥା ଅଭିନେତା ନାଗା ଚୈତନ୍ୟଙ୍କର ଅଭିନେତ୍ରୀ ଶୋଭିତା ଧୁଲିପାଲାଙ୍କ ସହ ଗୁରୁବାର ନିର୍ବନ୍ଧ ହୋଇଛି। ସୂଚନା ମୁତାବକ, ହାଇଦରାବାଦର ଜୁବଲୀ ହିଲ୍ସସ୍ଥିତ ନାଗା ଚୈତନ୍ୟଙ୍କ ପିତା ନାଗାର୍ଜୁନଙ୍କ ଘରେ ଏକ ଘରୋଇ ସମାରୋହରେ ଦୁହିଁଙ୍କ ନିର୍ବନ୍ଧ ଶେଷ ହୋଇଛି। ନାଗାର୍ଜୁନ ନିଜେ ସାମାଜିକ ଗଣମାଧ୍ୟମରେ ଉଭୟଙ୍କ ନିର୍ବନ୍ଧ ଫଟୋ ଶେୟାର କରି ସେମାନଙ୍କୁ ଆଶୀର୍ବାଦ ଦେଇଛନ୍ତି।
“We are delighted to announce the engagement of our son, Naga Chaitanya, to Sobhita Dhulipala, which took place this morning at 9:42 a.m.!!
We are overjoyed to welcome her into our family.
Congratulations to the happy couple!
Wishing them a lifetime of love and happiness. 💐… pic.twitter.com/buiBGa52lD— Nagarjuna Akkineni (@iamnagarjuna) August 8, 2024
ସେ ଏକ୍ସରେ ଲେଖିଛନ୍ତି, ‘‘ପୁଅ ନାଗା ଚୈତନ୍ୟର ଶୋଭିତା ଧୁଲିପାଲାଙ୍କ ସହ ନିର୍ବନ୍ଧ ବିଷୟରେ ଘୋଷଣା କରି ମୁଁ ବହୁତ ଖୁସି। ସକାଳ ୯.୪୨ରେ ଦୁହିଁଙ୍କ ନିର୍ବନ୍ଧ ହୋଇଛି। ଆମେ ଶୋଭିତାଙ୍କୁ ପରିବାରକୁ ସ୍ୱାଗତ କରୁଛୁ। ଉଭୟଙ୍କୁ ବହୁତ ଶୁଭେଚ୍ଛା।’’
ସାମନ୍ଥାଙ୍କ ସହ ଛାଡପତ୍ର ପରେ ପରେ ହିଁ ନାଗା ଚେତନ୍ୟଙ୍କ ନାଁ ଶୋଭିତାଙ୍କ ସହ ଯୋଡ଼ି ହୋଇଥିଲା। ଉଭୟଙ୍କୁ ଅନ୍ତର୍ଜାତୀୟ ଭ୍ରମଣରେ ଅନେକ ଥର ଏକାଠି ସମୟ ବିତାଉଥିବା ଦେଖିବାକୁ ମିଳିଛି। ଏହା ବ୍ୟତୀତ ଦୁହେଁ ଅନେକ ସ୍ଥାନରେ ଏକାଠି ନଜର ଆସିଛନ୍ତି। ଏହାପରଠାରୁ ଉଭୟଙ୍କ ପ୍ରେମ ସମ୍ପର୍କ ନେଇ ଚର୍ଚ୍ଚା ଆରମ୍ଭ ହୋଇଥିଲା। ଗଣମାଧ୍ୟମ ରିପୋର୍ଟ ଅନୁସାରେ, ଆଜି ନିର୍ବନ୍ଧ ଶେଷ ହୋଇଥିବାବେଳେ ଖୁବଶୀଘ୍ର ଉଭୟଙ୍କ ବିବାହ ତାରିଖ ଘୋଷଣା କରାଯିବ।
ସୂଚନାଯୋଗ୍ୟ, ସାମନ୍ଥା ଓ ନାଗା ଚୈତନ୍ୟ ୨୦୧୭ ମସିହା ଅକ୍ଟୋବର ୬ ତାରିଖରେ ଗୋଆରେ ପ୍ରଥମେ ହିନ୍ଦୁ ରୀତି ନୀତି ଏବଂ ଅକ୍ଟୋବର ୭ରେ ଖ୍ରୀଷ୍ଟିୟାନ ପରମ୍ପରାରେ ବିବାହ କରିଥିଲେ। ୨୦୨୧ ମସିହା ଅକ୍ଟୋବର ୬ରେ ଦୁହିଁଙ୍କର ବିବାହକୁ ୪ ବର୍ଷ ପୂରଣ ହେବାକୁ ଥିବାବେଳେ ଏହା ପୂର୍ବରୁ ଉଭୟଙ୍କ ଛାଡ଼ପତ୍ର ହୋଇଥିଲା।
