ନବରଙ୍ଗପୁର: ନବରଙ୍ଗପୁର ଜିଲାର ପ୍ରସିଦ୍ଧ ଝରିଗୁମ୍ମାର ପ୍ରସିଦ୍ଧ ଶ୍ରୀ ଘୁମରେଶ୍ୱର ଶିବମନ୍ଦିର ଉନ୍ନତିିକରଣ ପାଇଁ ମନ୍ଦିର କମିଟି ପକ୍ଷରୁ ଜିଲାପାଳ ଡଃ. ଅଜିତ୍ କୁମାର ମିଶ୍ରଙ୍କୁ ଭେଟି ଆଲୋଚନା କରି ଏକ ସ୍ମାରକପତ୍ର ପ୍ରଦାନ କରିଛନ୍ତି। ପ୍ରାକୃତିକ ସୈାନ୍ଦର୍ଯ୍ୟରେ ଭରପୁର ଏହି ମନ୍ଦିର ପାହାଡ ତଳେ ଝରଣାକୁ ଲାଗି ଗୁମ୍ଫାରେ ଶିବଲିଙ୍ଗ ରହିଛି। ଗତ ୨୦୦୫ ମସିହାରେ ସ୍ୱପ୍ନାଦେଶ ପରେ ଏହି ଶିବଲିଙ୍ଗ ଜାଣିବା ପରେ ସେହିଦିନଠାରୁ ଅଞ୍ଚଳବାସୀଙ୍କର ଦ୍ୱାରା ପୂଜାର୍ଚ୍ଚନା କରାଯାଉଛି। ଝରଣାର କୁଳୁକୁଳୁ ନାଦ ସହ ବନପାହାଡର ଅପୂର୍ବସୁନ୍ଦର ଭକ୍ତ ଓ ଦର୍ଶକଙ୍କୁ ବିମୋହିତ କରିଥାଏ। ଏହା ନବରଙ୍ଗପୁର ଓ କଳାହାଣ୍ଡି ଜିଲାର ସୀମାନ୍ତ ଘାଟି ମଧ୍ୟରେ ରହିଥିବାବେଳେ ଏଠାକୁ ଉଭୟ ଜିଲାର ବହୁଭକ୍ତଙ୍କର ଦୈନିକ ଆସିଥାନ୍ତି। ଏହା ଛଡା ପ୍ରତି ସୋମବାର , ବିଶେଷ ପର୍ବପର୍ବାଣି ଓ ପୂଜାଦିନ ଏହି ମନ୍ଦିରରେ ବହୁ ଭକ୍ତ ସମାଗମ ହୋଇଥାଏ।
ଏହି ମନ୍ଦିରକୁ ଯିବାପାଇଁ ପାହାଡର ଉପରୁ ତଳ ପର୍ଯ୍ୟନ୍ତ ପାହାଚ ନିର୍ମାଣ କରାଯାଇଥିବାବେଳେ ଅନ୍ୟାନ୍ୟ ଆନୁସଙ୍ଗୀକ ବିକାଶର ଆବଶ୍ୟକତା ରହିଛି। କମିଟିପକ୍ଷରୁ ଏଠାରେ ଏକ ପାର୍କନିର୍ମାଣ, ରାସ୍ତାପାର୍ଶ୍ବରେ ଗାର୍ଡୱାଲ ନିର୍ମାଣ ଓ ଗଭୀର ନଳକୂପ ଖନନର ଆବଶ୍ୟକତା ସଂପର୍କରେ ଆଲୋଚନାକରି ଲିଖିତ ଭାବେ ଜଣାଇଥିଲେ। ଜିଲାପାଳ ଡଃ.ମିଶ୍ର ଏହି ସମସ୍ତ ସମସ୍ୟାର ସମାଧାନ କରାଯିବାକୁ ପ୍ରତିଶୃତି ଦେଇଥିଲେ। ଆଲୋଚନା ବେଳେ କମିଟିର କର୍ମକର୍ତ୍ତା ପ୍ରମୋଦ କୁମାର ଦାଶ, ଡମ୍ବରୁଧର ଭତରା, ଅଞ୍ଚଳଗୁମ୍ମା ସରପଞ୍ଚ ସୂର୍ଯ୍ୟରନ୍ଧାରୀ, ଦାମୋଦର ବିଷୋୟୀ, ଭବାନୀ ପ୍ରସାଦ ବିଷୋୟୀ, ହରି ନାୟକ, ତପନକୁମାର ବିଷୋୟୀ, କମଳୁ ପ୍ରଧାନୀ, ପୂର୍ଣ୍ଣଚନ୍ଦ୍ର ଦଳପତି ଓ ପର୍ଶୁରାମ ବିଷୋୟୀ ପ୍ରମୂଖ ଉପସ୍ଥିତ ଥିଲେ।
