ନବରଙ୍ଗପୁର : ନବରଙ୍ଗପୁର ଓ ଉମେରକୋଟ ପୌରପରିଷଦରେ ଗୁରୁବାର ଦିନ ପୌର ନିର୍ବାଚନ ପାଇଁ ଜିଲ୍ଲା ପ୍ରଶାସନ ଓ ଜିଲ୍ଲା ପୁଲିସ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି । ପୁଲିଂ ପାର୍ଟି ମାନେ ବୁଥ ରେ ପହଂଚି ସାରିଛନ୍ତି । ଚଳିତ ପୌର ନିର୍ବାଚନ ପାଇଁ ଜିଲ୍ଲାର ଦୁଇଟି ପୌରପରିଷଦ ଅଧ୍ୟକ୍ଷ ଆସନ ପାଇଁ ୮ଜଣ ପ୍ରାର୍ଥୀ ଲଢେଇ କରୁଥିବା ବେଳେ ୩୧ଟି କାଉନ ସିଲର ଆସନ ପାଇଁ ୯୫ ଜଣ ପ୍ରତିଦ୍ବନ୍ଦିତା କରୁଛନ୍ତି ।
ତେବେ, ଜିଲ୍ଲାରେ ସର୍ବମୋଟ ୧୦୩ଜଣ ପ୍ରାର୍ଥୀ ପାଇଁ ୪୮ହଜାର ୫୦୩ ଜଣ ଭୋଟର ମତଦାନ କରିବେ । ଚଳିତ ପୌର ନିର୍ବାଚନ ମଇଦାନରେ ନବରଙ୍ଗପୁର ପୌରପାଳିକା ପାଇଁ ୪ ଜଣ ପୌର ଅଧ୍ୟକ୍ଷ ପ୍ରାର୍ଥୀ ରହିଥିବା ବେଳେ ୧୭ଟି ୱାର୍ଡରୁ ମୋଟ ୫୦ଜଣ କାଉନସିଲର ପ୍ରାର୍ଥୀ ମଇଦାନରେ ରହିଛନ୍ତି । ନବରଙ୍ଗପୁର ପୌରପାଳିକାରେ ଥିବା ୨୯ ଟି ବୁଥରେ ମୋଟ ୨୪୭୮୫ ଜଣ ମତଦାତା ନିଜର ମତ ସାବ୍ୟସ୍ତ କରିବେ । ନବରଙ୍ଗପୁର ପୌରପାଳିକା ନିର୍ବାଚନ ପାଇଁ ୨୪୦ ଜଣ ପୋଲିଂ କର୍ମଚାରୀ ଙ୍କୁ ନିୟୋଜିତ କରା ଯାଇଥିବାବେଳେ ସେଥି ମଧ୍ୟରୁ ୧୨୭ ଜଣ ପୋଲିଂ ଅଫିସର ଏବଂ ୩୩ଜଣ ପ୍ରିଜାଇଡିଂ ଅଫିସର (ପୁରୁଷ – ୨୮ ଓ ମହିଳା-୫) ଜଣ ରହିଛନ୍ତି । ଏହି ପୌର ନିର୍ବାଚନ ରେ ୩ଟି ପିଙ୍କ ବୁଥ ମଧ୍ୟ ରହିଛି ।
ସେହିଭଳି ଉମରକୋଟ ମୁନିସିପାଲିଟି ନିର୍ବାଚନ ପାଇଁ ୪ ଜଣ ପୌର ଅଧ୍ୟକ୍ଷ ପ୍ରାର୍ଥୀ ରହିଥିବା ବେଳେ ୧୪ ଟି ୱାର୍ଡରୁ ମୋଟ୪୫ ଜଣ କାଉନସିଲର ପ୍ରାର୍ଥୀ ରହିଛନ୍ତି ମଇଦାନରେ । ଉମରକୋଟ ମ୍ୟୁନିସିପାଲିଟି ରେ ଥିବା ୨୭ଟି ବୁଥରେ ମୋଟ ୨୩୭୧୮ ଜଣ ମତଦାତା ନିଜର ମତ ସାବ୍ୟସ୍ତ କରିବେ । ଉମରକୋଟ ପୌର ନିର୍ବାଚନ ପାଇଁ ୧୮୬ ଜଣ ପୋଲିଂ କର୍ମଚାରୀ ରହିଥିବା ବେଳେ ସେଥିରେ ୩୧ ଜଣ ପ୍ରିଜାଇଡିଂ ଅଫିସର ରହିଛନ୍ତି । ଏଠାରେ ମଧ୍ୟ ମହିଳା ଭୋଟର ଙ୍କ ସୁବିଧା ପାଇଁ ୩ଟି ପିଙ୍କ୍ ବୁଥ କରାଯାଇଥିବା ସୂଚନା ଉପଜିଲ୍ଲାପାଳ ଅକ୍ଷୟ ସୁନୀଲ ଅଗ୍ରୱାଲ ଦେଇଛନ୍ତି କ୍। ଅନ୍ୟପଟେ ଚଳିତ ପୌର ନିର୍ବାଚନ କୁ ଶାନ୍ତିଶୃଙ୍ଖଳାର ସହ ନିୟନ୍ତ୍ରଣ କରିବା ପାଇଁ ଜିଲ୍ଲା ପୁଲିସ ର ଚାରି ସ୍ତରୀୟ ସୁରକ୍ଷା ବ୍ୟବସ୍ଥା କରାଯାଇଛି । ଜିଲ୍ଲାରେ ସର୍ବମୋଟ ୫ ପ୍ଲାଟୁନ ପୋଲିସ ଫୋର୍ସ , ଜଣେ ଅତିରିକ୍ତ ଆରକ୍ଷୀ ଅଧିକ୍ଷକ ଦୁଇ ଜଣ ଡିଏସପି, ୬ ଜଣ ଇନ୍ସପେକ୍ଟର ଓ ୬୦ ଜଣ କନଷ୍ଟେବଳ ନିୟୋଜିତ ହୋଇଥିବା ନବରଙ୍ଗପୁର ଅତିରିକ୍ତ ଏସପି ଜୟକୃଷ୍ଣ ବେହେରା ସୂଚନା ଦେଇଛନ୍ତି ।
Comments are closed.