ସୁଆଣ୍ଡୋ : ପୁରୀ ଜିଲା ସୁଆଣ୍ଡୋଠାରେ ଭୁବନେଶ୍ଵର ସିଫା ପକ୍ଷରୁ ‘ମୋ ଗାଁ ମୋ ଗୌରବ ; ମତ୍ସ୍ୟଚାଷ ଓ ସ୍ୱାସ୍ଥ୍ୟ ସମ୍ବନ୍ଧୀୟ ସଚେତନତା କାର୍ୟ୍ୟକ୍ରମ’ ଗୋପବନ୍ଧୁ ସ୍ମୃତିଭବନ ପରିସରରେ ଅନୁଷ୍ଠିତ ହୋଇଯାଇଛି। ଫନି ଦ୍ଵାରା ପୋଖରୀଗୁଡ଼ିକର ବ୍ୟାପକ କ୍ଷୟକ୍ଷତି ଘଟିଛି। ଏହି ପରିପ୍ରେକ୍ଷୀରେ ମତ୍ସ୍ୟ ଚାଷୀଙ୍କ ମନୋବଳ ବୃଦ୍ଧି କରିବା ନିମନ୍ତେ ସିଫା ତରଫରୁ ଏହି କାର୍ୟ୍ୟକ୍ରମ ଆରମ୍ଭ ହୋଇଛି। ଏହି ଅବସରରେ ଗୁରୁବାର ଆୟୋଜିତ କର୍ମଶାଳାରେ ମତ୍ସ୍ୟ ବିଭାଗ ପରିଚାଳନା ଅଧ୍ୟକ୍ଷ ବୈଜ୍ଞାନିକ ସୁଧାଂଶୁ ଶେଖର ମିଶ୍ର ଯୋଗଦେଇ କହିଥିଲେ, କେନ୍ଦ୍ର ଏବଂ ରାଜ୍ୟ ସରକାରଙ୍କ ସବୁଜ ବିପ୍ଳବ ଓ ଶ୍ୱେତ ବିପ୍ଳବ ସଫଳ ହେବା ପରେ ନୀଳ ବିପ୍ଳବର ଶୁଭାରମ୍ଭ ହୋଇଛି। ଅନ୍ୟମାନଙ୍କ ମଧ୍ୟରେ ବୈଜ୍ଞାନିକ ପ୍ରିୟବ୍ରତ ସ୍ୱାଇଁ, ବୈଜ୍ଞାନିକ ହିମାଂଶୁ ଶେଖର ଦେ, ବୈଜ୍ଞାନିକ ପଙ୍କଜ କୁମାର ତିୱାରୀ, କୃଷ୍ଣ ଚନ୍ଦ୍ର ଦାଶ ପ୍ରମୁଖ ଯୋଗଦେଇ ପୁରୁଣା ପୋଖରୀର ବ୍ୟବହାରରେ ମାଛ ଚାଷ କରି କିପରି ଚାଷୀମାନେ ଲାଭବାନ ହେବେ ସେ ସମ୍ପର୍କରେ ପରାମର୍ଶ ଦେଇଥିଲେ। ୯୮ ଜଣ ଚାଷୀଙ୍କ ପୋଖରୀ ଜଳ ପରୀକ୍ଷା କରାଯାଇଥିଲା। ଡେଲାଙ୍ଗ ସେଭ୍ ଦି ଆର୍ଥ୍ ଫାଉଣ୍ଡେସନ କର୍ମୀ ବିଶ୍ଵଜିତ ପରିଡ଼ାଙ୍କ ଉଦ୍ୟମରେ କର୍ମଶାଳାଟି କରାଯାଇଥିଲା।
Popular Categories
Previous article
Next article