ମୁରିବାହାଲ : ମୁରିବାହାଲ ଥାନା ସିଙ୍ଗପାଲି ଟଙ୍ଗ ଜୋରରେ ମଙ୍ଗଳବାର ଦିନ ସକାଳ ୭ ଟା ସମୟରେ ଯାତ୍ରୀବାହୀ ବସ ଦୁର୍ଘଟଣାଗ୍ରସ୍ତ ହୋଇଛି। ସୂଚନା ମୁତାବକ ଭାଲୁମୁଣ୍ଡାରୁ ବଲାଙ୍ଗିର ଯିବା ସମୟରେ ସିଙ୍ଗପାଲି ଟଙ୍ଗ ଜୋରରେ ହଠାତ ଷ୍ଟିୟରିଙ୍ଗ ରଡ଼ ଛିଣ୍ଡି ବସଟି ଭାରସାମ୍ୟ ହରାଇ ପୋଲ ତଳକୁ ୨ଟି ଚକ ଚାଲିଯାଇଥିଲା । ଚାଳକ ବୁଦ୍ଧିବଳରେ ବସଟିକୁ ଆୟତ୍ତ କରିବାରୁ ବଡ ଧରଣର ଦୁର୍ଘଟଣାରୁ ସମସ୍ତ ଯାତ୍ରୀ ଅଳ୍ପକେ ବର୍ତ୍ତି ଯାଇଛନ୍ତି। ବହୁତ ଦିନ ପୂର୍ବରୁ ପୋଲ ତିଆରି ହୋଇଥିଲେ ମଧ୍ୟ ପୋଲଟି କାର୍ଯ୍ୟକ୍ଷମ ହୋଇ ପାରିନାହିଁ । ଯାହାଫଳରେ ପୁରୁଣା ପୋଲ ଦେଇ ଯାନବାହାନ ବିପଦ ସଂକୁଳ ଅବସ୍ଥାରେ ଯାତାୟାତ କରୁଥିବା ଅଭିଯୋଗ ହେଉଛି । ପୋଲ କାର୍ଯ୍ୟକ୍ଷମ ନ ହୋଇ ଏଭଳି ଦୁର୍ଘଟଣା ଘଟିବା ସହ ଏହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ଲାଗି ରହିଛି।
Popular Categories
Previous article
Next article