ମୁଖୀଗୁଡା: କଳାହାଣ୍ଡି ଜିଲ୍ଲା ଜୟପାଟଣାରେ ଏକ ଶୌଚାଳୟର ଆବଶ୍ୟକତା ଥିଲେ ମଧ୍ୟ ରାଜନୈତିକ ଇଛାଶକ୍ତିର ଅଭାବ ଯୋଗୁଁଁ ଶୌଚାଳୟଟିଏ ହୋଇ ପାରିନଥିଲା। ଲୋକଙ୍କ ଦୀର୍ଘ ଦିନର ଦାବି ପରେ ଗତବର୍ଷ ନିର୍ବାଚନକୁ ଆଖି ଆଗରେ ରଖି ଜୟପାଟଣା ଥାନା ସାମ୍ନାରେ ଗତ ୮ ଜାନୁଆରୀ୨୦୨୪ରେ ଲାଞ୍ଜିଗଡ଼ ବିଧାୟକ ପ୍ରଦୀପ ଡିଶାରୀଙ୍କ ଦ୍ବାରା ଶୌଚାଳୟର ଭିତ୍ତିପ୍ରସ୍ତର ସ୍ଥାପନ ହୋଇଥିଲା। ଭୋଟରଙ୍କ ପ୍ରଶ୍ନବାଣର ଭୟରେ ନିର୍ମାଣ କାମ ଆରମ୍ଭ ହୋଇଥିଲା। ଏବେ କେବଳ ଘର ତିଆରି କାମ ସରିଥିବାବେଳେ ସୂଚନା ଫଳକ ନ ଥିବାରୁ କେତେ ଟଙ୍କାର କାମ, କାର୍ଯ୍ୟ ସମ୍ପାଦନ ସଂସ୍ଥା, କାର୍ଯ୍ୟ ଶେଷ କେବେ ହେବ ସେ ନେଇ ଜନସାଧାରଣ ଅନ୍ଧାରରେ ରହିଛନ୍ତି। ତେବେ ଭୋଟ ସରିଲା ପରେ କାହାର ଆଉ ଧ୍ୟାନ ନାହିଁ। ଜୟପାଟଣା ସହରକୁ ପ୍ରତିଦିନ ଶହ ଶହ ଲୋକ ଥାନା, ତହସିଲ କାର୍ଯ୍ୟାଳୟ, ଉପନିବନ୍ଧନ କାର୍ଯ୍ୟାଳୟ, ଟ୍ରେଜେରୀ, କୋର୍ଟ, ଡାକ୍ତରଖାନାକୁ ଆସିଥାନ୍ତି।ଜରୁରୀ ସ୍ଥିତିରେ ଶୌଚାଳୟ ନ ଥିବାରୁ ଲୋକେ ନାହିଁ ନଥିବାର ଅସୁବିଧାର ସମ୍ମୁଖୀନ ହେଉଛନ୍ତି। ବିଶେଷ କରି ମହିଳାମାନଙ୍କୁ ବେଶୀ ହଇରାଣ ହେବାକୁ ପଡୁଛି। ଜୟପାଟଣାରେ କେବେ ଶୌଚାଳୟ ନିର୍ମାଣ କାର୍ଯ୍ୟ ସରିବ କେବେ ଲୋକେ ଶୌଚାଳୟ ବ୍ୟବହାର କରିବେ ବୋଲି ଆଲୋଚନା ହେଉଛି। ମହିଳାଙ୍କୁ ପ୍ରାଧାନ୍ୟ ଦେଉଥିବା ବିଜେଡି ସରକାର ଅମଳରେ ଜୟପାଟଣା ଅଞ୍ଚଳର ଲୋକେ ଶୌଚାଳୟ ବ୍ୟବହାର କରିପାରିଲେ ନାହିଁ। ନୂଆ ସରକାରକୁ ଆଉ କେତେ ଦିନ ପରେ ବର୍ଷେ ପୂରିବ, ହେଲେ ଜୟପାଟଣାରେ ଶୌଚାଳୟ କାମ କେବେ ସରିବ ବୋଲି ପ୍ରଶ୍ନ ଉଠୁଛି।
Popular Categories
Previous article
Next article