କରୋନା ଭୂତାଣୁର ୨ୟ ତରଙ୍ଗ ଦ୍ରୁତ ଗତିରେ ବ୍ୟାପୁଥିବାବେଳେ ଦୈନିକ ମୃତ୍ୟୁ ସଂଖ୍ୟା ୧ ହଜାର ଟପିଛି। କିନ୍ତୁ କେତେକ ରାଜ୍ୟରେ ସରକାର ପ୍ରକୃତ ମୃତ୍ୟୁ ସଂଖ୍ୟା ସମ୍ପର୍କିତ ତଥ୍ୟ ଲୁଚାଉଥିବା ଅଭିଯୋଗ ହେଉଛି। ଏହାର ଏକ ଉଦାହରଣ ଦେଖିବାକୁ ମିଳିଛି ଭୋପାଳରେ। ଏଠାରେ ୨ଟି ଶ୍ମଶାନରେ ୪ ଦିନ ଭିତରେ ୧୮୭ ମୃତଦେହ ସତ୍କାର କରାଯାଇଥିବାବେଳେ ସରକାରୀ ରେକର୍ଡରେ ମାତ୍ର ୫ ବୋଲି ଦର୍ଶାଯାଇଛି। ଯାହାକୁ ନେଇ ରାଜ୍ୟରେ ବିରୋଧୀମାନେ ଏବେ ପ୍ରଶ୍ନ ଉଠାଇଛନ୍ତି। ମୃତ୍ୟୁ ସଂଖ୍ୟା ଲୁଚାଇବା ପାଇଁ ଏହା ଏକ କୌଶଳ ବୋଲି ବିରୋଧୀମାନେ କହିଛନ୍ତି।
ଆଜତକ୍ରେ ପ୍ରକାଶିତ ଏକ ରିପୋର୍ଟ ଅନୁସାରେ, ଭୋପାଳର ବିଭିନ୍ନ ଶ୍ମଶାନଘାଟକୁ ପୂର୍ବରୁ ଦୈନିକ ୫ରୁ ୧୦ ମୃତଦେହ ସତ୍କାର ପାଇଁ ଆସୁଥିଲା। ଏବେ ପ୍ରତିଦିନ ୩୫ରୁ ୪୦ ମୃତଦେହ ଆସୁଛି। ତଥ୍ୟ ଅନୁସାରେ, ଗତ ଗୁରୁବାରଠାରୁ ରବିବାର ମଧ୍ୟରେ ଭଦଭଦା ଏବଂ ସୁଭାଷ ନଗର ଶ୍ମଶାନଘାଟରେ ୧୮୭ ମୃତଦେହ ଦାହ କରାଯାଇଥିଲା। କିନ୍ତୁ ସରକାରୀ ରେକର୍ଡରେ ଏହା ୫ ବୋଲି ଦର୍ଶାଯାଇଛି। ଶ୍ମଶାନଘାଟରେ ମୃତଦେହ ସତ୍କାର ସମୟର ଦୃଶ୍ୟ ଏବେ ସୋସିଆଲ ମିଡିଆରେ ବି ଭାଇରାଲ ହେବାରେ ଲାଗିଛି, ଯେଉଁଥିରୁ ଜଣାପଡ଼ୁଛି ଯେ, ଶତାଧିକ ମୃତଦେହ ଏଠାରେ ଦାହ କରାଯାଇଛି।
୧୮୭ ମୃତଦେହ ମଧ୍ୟରୁ ଭଦଭଦା ଶ୍ମଶାନଘାଟକୁ ୧୩୩ ମୃତଦେହ ଆସିଥିଲା। ଗୁରୁବାର ୩୧, ଶୁକ୍ରବାର ୨୯, ଶନିବାର ୩୪ ଏବଂ ରବିବାର ୩୯ ମୃତଦେହ ଏଠାରେ ସତ୍କାର ହୋଇଥିଲା। ସେହିପରି ସୁଭାଷ ନଗର ଶ୍ମଶାନଘାଟରେ ଏହି ୪ ଦିନରେ ମୋଟ ୫୪ ମୃତଦେହ ଦାହ କରାଯାଇଛି। କିନ୍ତୁ ସରକାର ଏହି ୪ ଦିନରେ ଭୋପାଳରେ ୫ଟି କୋଭିଡ ମୃତ୍ୟୁ ଘଟିଥିବା ଦର୍ଶାଇଛନ୍ତି।
This is Bhopal’s Bhadbhada Ghat crematorium on Apr 11th
Many bodies were cremated here with with COVID protocol
But Shavraj’s MP Govt Data says only 1 death on Apr 10th in Bhopal due to COVID
Stop fudging data. Tell People the truth. Vaccinate everyone.pic.twitter.com/5UAw3DDVIn
— Srivatsa (@srivatsayb) April 13, 2021
