ନୂଆଦିଲ୍ଲୀ : ଅନେକ ଲୋକଙ୍କୁ ବିଭିନ୍ନ ସ୍ଥାନ ଭ୍ରମଣ କରିବାକୁ ଭଲଲାଗେ । ତେବେ ଅନେକ ସ୍ଥାନରେ ନିଜ ପସନ୍ଦର ଖାଦ୍ୟ ମିଳିନଥାଏ । ଯାତ୍ରା ସହିତ ସ୍ବାସ୍ଥ୍ୟ ପ୍ରତି ମଧ୍ୟ ଧ୍ୟାନ ଦେବା ଆବଶ୍ୟକ । ଏବେ ସାମାଜିକ ଗଣମାଧ୍ୟମରେ ଏକ ଭିଡିଓ ଭାଇରାଲ ହେଉଛି ଯେଉଁଥିରେ ଏକ ଚଳନ୍ତା ରୋଷେଇ ଘର ଦେଖିବାକୁ ମିଳୁଛି । ଏପର୍ଯ୍ୟନ୍ତ ଏହି ଭିଡିଓକୁ ୩୦ ଲକ୍ଷରୁ ଅଧିକ ଲୋକ ଦେଖିସାରିଲେଣି ।
View this post on Instagram
ଭିଡିଓରେ ଏକ ଗାଡି ନଜର ଆସୁଛି ଯେଉଁଥିରେ ରୋଷେଇ ଘର ଏବଂ ଶୋଇବା ଘର ରହିଛି । ଏହି ଗାଡିକୁ ଧରି ପରିବାର ଭ୍ରମଣ କରିବାକୁ ଯାଆନ୍ତି ଏବଂ ଯେଉଁଠି ସୁବିଧା ସେଠାରେ ରୋଷେଇ କରି ବିଶ୍ରାମ ମଧ୍ୟ କରନ୍ତି । ରୋଷେଇ ପାଇଁ ସେହି ଗାଡିରେ ବିଭିନ୍ନ ସରଞ୍ଜାମ, ମସଲା, ରୋଷେଇ ସାମଗ୍ରୀ ଆଦି ରହିଛି । ୪ ସଦସ୍ୟ ବିଶିଷ୍ଟ ପରିବାର ବିନା କୌଣସି ହୋଟେଲରେ ରହି ଯାତ୍ରା କରନ୍ତି ।
ଭିଡିଓ ସାମାଜିକ ଗଣମାଧ୍ୟମରେ ନଜର ଆସିବା ପରେ ସମସ୍ତେ ଏହି ଗାଡି ବିଷୟରେ ଜାଣିବା ପାଇଁ ଅଧିକ ଉତ୍ସାହିତ ହୋଇପଡିଛନ୍ତି । ଗାଡିକୁ ଏମିତି ସଜାଇବା ପାଇଁ କେତେ ଟଙ୍କା ଖର୍ଚ୍ଚ ହେଲା ବୋଲି ସମସ୍ତେ ପ୍ରତିକ୍ରିୟା ରଖି ପଚାରୁଛନ୍ତି ।
Comments are closed.