ପାଟନା: ଜନୈକ ଡାକ୍ତରଙ୍କ ପାଖରେ କାର୍ଯ୍ୟରତ କମ୍ପାଉଣ୍ଡର ରଚିଥିଲେ ହତ୍ୟା ଷଡଯନ୍ତ୍ର। ତେବେ ବେଳ ଥାଉଥାଉ ପୁଲିସକୁ ମିଳି ଯାଇଥିଲା ସୁରାକ। ବିହାର ମୋତିହାରୀଠାରେ ଏଭଳି ଏକ ଘଟଣାର ପର୍ଦାଫାସ କରିଛି ପୁଲିସ। ମୋତିହାରୀ ନିବାସୀ ତଥା ଖ୍ୟାତନାମା ନ୍ୟୁରୋ ସର୍ଜନ ଡ. ପ୍ରକାଶ ଖୈତାନ୍ ଲକ୍ଷ୍ନୌରେ କାର୍ଯ୍ୟରତ ଥିଲେ। ହେଲେ ସପ୍ତାହରେ ୩ଦିନ ସେ ମୋତିହାରୀକୁ ଆସି ସେଠାରେ ମଧ୍ୟ ରୋଗୀଙ୍କୁ ଚିକିତ୍ସା କରୁଥିଲେ। ଏହି ସମୟରେ ଡ. ଖୈତାନଙ୍କ ପାଖରେ ୧୫ରୁ ୨୦ଲକ୍ଷ ଟଙ୍କା ଆୟ ହେଉଥିଲା। ଏହି ଟଙ୍କା ଡ. ଖୈତାନ ଲକ୍ଷ୍ନୌକୁ ଫେରିଯିବା ପୂର୍ବରୁ ତାଙ୍କ ବ୍ୟାଙ୍କ ଆକାଉଣ୍ଟରେ ଜମା କରି ଦେଉଥିଲେ ନଚେତ ସାଙ୍ଗରେ ନେଇ ଯାଉଥିଲେ। ସପ୍ତାହକୁ ୩ଦିନର ଏହି ଚିକିତ୍ସା ବ୍ୟବସ୍ଥା ପାଇଁ ଡ. ଖୈତାନ ଜଣେ କମ୍ପାଉଣ୍ଡରଙ୍କୁ ନିୟୋଜିତ କରିଥିଲେ। ସ୍ଥାନୀୟ ନିବାସୀ ରଞ୍ଜିତ କୁମାର ଡ. ଖୈତାନଙ୍କ ପାଖରେ କମ୍ପାଉଣ୍ଡର ଭାବେ କାର୍ଯ୍ୟରତ ଥିଲେ। ଡାକ୍ତରଙ୍କ ଆୟ ସମ୍ପର୍କରେ ରଞ୍ଜିତ ଜାଣିବା ସହ ଡାକ୍ତରଙ୍କୁ ଲୁଟ୍ ଓ ହତ୍ୟା କରିବାର ଷଡଯନ୍ତ୍ର କରିଥିଲା। ଏଥି ନିମନ୍ତେ ସେ ସ୍ଥାନୀୟ କିଛି ଅପରାଧୀଙ୍କ ସହ ହାତ ମିଳାଇ ଥିଲେ। ମଙ୍ଗଳବାର ସକାଳେ ଡ. ଖୈତାନ ଲକ୍ଷ୍ନୌ ଫେରିବାର କାର୍ଯ୍ୟକ୍ରମ ଥିଲା। ସୋମବାର ପ୍ରବଳ ଭିଡ଼ ହେତୁ ବ୍ୟାଙ୍କରେ ଟଙ୍କା ଜମା କରି ପାରି ନଥିଲେ ଡ. ଖୈତାନ। ଏହା ଜାଣିପାରି ସୋମବାର ରାତିରେ ଡ.ଖୈତାନଙ୍କୁ ଲୁଟିବାର ଯୋଜନା କରିଥିଲା ରଞ୍ଜିତ। ହେଲେ କୌଣସି ସୁତ୍ରରୁ ଖବର ପାଇଁ ପୁଲିସ ଏହି ଘଟଣା ଘଟିବା ପୂର୍ବରୁ ରଞ୍ଜିତ ସମେତ ଅନ୍ୟଜଣଙ୍କୁ ଗିରଫ କରିବାରେ ସଫଳ ହୋଇଛି। ଏ ସମ୍ପର୍କରେ ଏକ ମାମଲା ରୁଜୁ କରାଯାଇ ତଦନ୍ତ ଅବ୍ୟାହତ ରହିଛି।
Popular Categories
Previous article
Next article