ତ୍ରିପୋଲି: ଗତ ସପ୍ତାହରେ ଲିବ୍ୟା ଉପକୂଳରୁ ୨ହଜାରରୁ ଅଧିକ ବେଆଇନ ଦେଶାଟନକାରୀଙ୍କୁ ଉଦ୍ଧାର କରାଯାଇ ସେମାନଙ୍କୁ ସେମାନଙ୍କ ନିଜ ଦେଶକୁ ପଠାଇ ଦିଆଯାଇଛି। ଏ ସମ୍ପର୍କରେ ପ୍ରକାଶ କରି ଇଣ୍ଟରନ୍ୟାସନାଲ ଅର୍ଗାନାଇଜେସନ ଫର ମାଇଗ୍ରେସନ (ଆଇଓଏମ) ପକ୍ଷରୁ କୁହାଯାଇଛି ଯେ ଜୁନ୍ ୬ରୁ ୧୨ ତାରିଖ ମଧ୍ୟରେ ଲିବ୍ୟା ଉପକୂଳରେ ୨୦୮୩ ଜଣ ବେଆଇନ ଦେଶାଟନକାରୀଙ୍କୁ ଉଦ୍ଧାର କରାଯାଇଥିଲା ଅଥବା ସେମାନଙ୍କ ପିଛାକରି ସେମାନଙ୍କୁ ଅଟକ ରଖାଯିବା ପରେ ସେମାନଙ୍କୁ ପୁଣି ଲିବ୍ୟାକୁ ଫେରାଇ ଦିଆଯାଇଛି। ଚଳିତ ବର୍ଷ ଏପର୍ଯ୍ୟନ୍ତ ଉକ୍ତ ଅଞ୍ଚଳରୁ ମହିଳା ଓ ଶିଶୁଙ୍କ ସମେତ ୧୨,୭୯୪ ଜଣ ବେଆଇନ ଦେଶାଟନକାରୀଙ୍କୁ ଉଦ୍ଧାର କରାଯାଇସାରିଥିବା କହିଛି ଜିନହୁଆ ଖବର ସରବରାହ ସଂସ୍ଥା। ଇତିମଧ୍ୟରେ ସେମାନଙ୍କ ମଧ୍ୟରୁ ୧୯୦ ଜଣଙ୍କର ମୃତ୍ୟୁ ଘଟିଥିବାବେଳେ ୪୮୭ ଜଣ କେନ୍ଦ୍ରୀୟ ଭୂମଧ୍ୟ ସାଗରୀୟ ପଥଦେଇ କେଉଁଆଡେ ଚାଲିଥିବା କୁହାଯାଉଛି। ୨୦୧୧ରେ ମୁଆମାର୍ ଗଦାଫିଙ୍କ ପତନ ପରଠାରୁ ଲିବ୍ୟାରେ ଅସୁରକ୍ଷିତ ପରିସ୍ଥିତି ଏବଂ ଅଶାନ୍ତି ଲାଗି ରହିଛି। ସେଥିପାଇଁ ଦେଶରୁ ହଜାର ହଜାର ଲୋକ ଭୂମଧ୍ୟ ସାଗର ଅତିକ୍ରମ କରି ୟୁରୋପୀୟ ରାଷ୍ଟ୍ରଗୁଡିକୁ ପଳାଇଯିବା ଉଦ୍ୟମ କରୁଛନ୍ତି।
Popular Categories
Previous article
Next article